Jr NTR: జూనియర్ ఎన్టీఆర్ దాదాపు మూడు సంవత్సరాల తర్వాత ప్రేక్షకులను RRR సినిమా ద్వారా సందడి చేయడానికి సిద్ధమయ్యారు.ఈ క్రమంలోనే ఈ సినిమా ఈనెల 25వ తేదీ ప్రపంచ వ్యాప్తంగా విడుదల కావడంతో పెద్ద ఎత్తున సినిమా ప్రమోషన్ కార్యక్రమాలు నిర్వహిస్తున్నారు. ఇక ఈ సినిమా విడుదల తేది దగ్గర పడటంతో ప్రమోషన్ కార్యక్రమాలను కూడా వేగవంతం చేశారు.
ఇప్పటికే ఎంతో మంది దర్శకులతో కలిసి ఇంటర్వ్యూలలో పాల్గొన్న రామ్ చరణ్, ఎన్టీఆర్ తాజాగా
సంగీత దర్శకుడు ఎం.ఎం.కీరవాణితో కలిసి ఇంటర్వ్యూలో పాల్గొన్నారు. ఇకపై ఈ ఇంటర్వ్యూలో భాగంగా కీరవాణి ఎన్టీఆర్ ని ఉద్దేశించి ఎన్నో ప్రశ్నలు వేశారు. తనకు కీరవాణి సంగీతం అందించిన సినిమాలలో నచ్చని పాట ఏది అని ప్రశ్నించగా ఎన్టీఆర్ సమాధానం చెబుతూ భీమవరం బుల్లోడ పాట తనకు ఏమాత్రం నచ్చదని తెలిపారు.
ఇక సింగర్స్ ఎవరు అనే ప్రశ్న ఎదురుకావడంతో ఎన్టీఆర్ తనకు మోహన భోగరాజు, గీతామాధురి గొంతు నచ్చుతుందన్నాడు.ఇక యాంకర్ సుమ గురించి కీరవాణి ఎన్టీఆర్ ను ప్రశ్నిస్తూ తను కనుక మీ సినిమాలలో నటిస్తే తనకు ఎలాంటి పాత్ర ఇస్తారని ప్రశ్నించారు. ఈ ప్రశ్నకు ఎన్టీఆర్ ఆశక్తికరమైన సమాధానాన్ని తెలియజేశారు.
పంచాయతీ పెద్దగా….
ఈ సందర్భంగా సినిమా గురించి ఎన్టీఆర్ మాట్లాడుతూ తనకు నాన్నమ్మ లేదా అమ్మమ్మ పాత్రలు ఇస్తానని ఆమెకు చాదస్తం చాలా ఎక్కువ ఎప్పుడు నోరు పారేసుకుంటుంది. తనను చూస్తేనే గయ్యాళి అత్త పాత్రలు గుర్తుకు వస్తాయి అంటూ సుమ గురించి కామెంట్ చేశారు. ఇక చరణ్ అయితే పంచాయతీలు నిర్వహించే మధ్యవర్తిగా నటించే పాత్ర ఇస్తానని తెలిపారు. మొత్తానికి సుమ విషయంలో ఎన్టీఆర్ చేసిన ఈ వ్యాఖ్యలు సోషల్ మీడియాలో వైరల్ గా మారాయి.
