Kalyan Ram: నందమూరి వారసుడిగా ఇండస్ట్రీలోకి అడుగుపెట్టిన కళ్యాణ్ రామ్ హీరోగా ఇండస్ట్రీలో కొనసాగుతున్నారు. ఈయన పలు సినిమాలలో నటించిన సరైన గుర్తింపు లభించకపోవడంతో ఏకంగా నిర్మాతగా మారిపోయారు. ఇలా తన నిర్మాణంలో పలు సినిమాలను నిర్మిస్తూ మరోవైపు నటుడిగా కొనసాగుతున్నారు. ఈ క్రమంలోనే కళ్యాణ్ రామ్ హీరోగా బింబిసారా అనే సినిమా ఆగస్టు 5వ తేదీ ప్రేక్షకుల ముందుకు రావడానికి సిద్ధమైంది.
ఇలా ఈ సినిమా విడుదల తేదీ దగ్గర పడటంతో పెద్ద ఎత్తున కళ్యాణ్ రామ్ సినిమా ప్రమోషన్ కార్యక్రమాలలో పాల్గొంటున్నారు. ఇకపోతే ఇప్పటికే ఈ సినిమా నుంచి విడుదల చేసిన ట్రైలర్స్ విపరీతంగా సినిమాపై అంచనాలు పెంచాయి. ఈ ట్రైలర్ చూస్తుంటే ఈసారి ఈయన పక్కా హిట్ కొట్టేలా ఉన్నారు అనిపిస్తోంది. ఇందులో కళ్యాణ్ రామ్ సరసన సంయుక్త మీనన్, కేథరిన్ హీరోయిన్లుగా నటించారు.
ఇకపోతే తాజాగా ఒక ఇంటర్వ్యూలో పాల్గొన్న కళ్యాణ్ రామ్ ఈ సినిమా కోసం తాను ఎలాంటి హార్డ్ వర్క్ చేశారో తెలిపారు. ఎంతమంచి వాడవురా సినిమా సమయంలో తాను 88 కేజీల శరీర బరువు ఉన్నానని, సినిమా కోసం తాను ఏకంగా 13 కిలోల బరువు తగ్గానని ఈ సందర్భంగా కళ్యాణ్ రామ్ తెలిపారు. ఈవిధంగా కళ్యాణ్ రామ్ ఈ సినిమా కోసం ఎంత కష్టపడ్డారో ఈ సందర్భంగా వెల్లడించారు.
త్రిగర్తల సామ్రాజ్యానికి చెందిన రాజు కథ..
ఇలా తాను 88 నుంచి 75 కేజీలకు తగ్గానని చెబుతూనే తన ట్రాన్స్ఫర్మేషన్కు సంబంధించిన ఫోటోలను సోషల్ మీడియా వేదికగా షేర్ చేశారు. ప్రస్తుతం ఈ ఫోటోలు సోషల్ మీడియాలో వైరల్ అవుతున్నాయి. ఈ సినిమా కథ ఏంటి అనే విషయం గురించి కూడా వెల్లడించారు.
త్రిగర్తల సామ్రాజ్యానికి చెందిన ఒక క్రూరమైన రాజు ఆ కాలం నుంచి ప్రయాణం చేస్తూ ప్రస్తుత కాలంలోకి వచ్చాడు. ఇలా వచ్చిన ఆయనలోఎలాంటి మార్పులు వచ్చాయి అతను ఎలా ప్రవర్తించాడు అనేది ఈ సినిమా కథాంటూ కళ్యాణ్ రామ్ అసలు విషయం వెల్లడించారు.
