Kamal Hassan: ముచ్చటగా మూడోసారి మోడీ కేంద్రంలో ప్రభుత్వాన్ని ఏర్పాటు చేసిన సంగతి మనకు తెలిసిందే. ఇలా కేంద్రంలో మోడీ ప్రభుత్వం ఏర్పాటు అయిన తర్వాత మొదటిసారి బడ్జెట్ ప్రవేశపెట్టారు. ఇలా ఆర్థిక శాఖ మంత్రిగా నిర్మల సీతారామన్ ఈ ఏడాది బడ్జెట్ ప్రవేశపెట్టారు.
ఈ విధంగా నిర్మల సీతారామన్ ప్రవేశపెట్టిన ఈ బడ్జెట్ పట్ల కొంతమంది తీవ్ర స్థాయిలో అసంతృప్తి వ్యక్తం చేస్తున్నారు. ఈ క్రమంలోనే సినీ నటుడు, మక్కల్ నీది మయ్యమ్ పార్టీ అధినేత కమల్ హాసన్ నిర్మల సీతారామన్ ప్రవేశపెట్టిన బడ్జెట్ పై సెటైర్లు వేస్తూ చేసిన ట్వీట్ ప్రస్తుతం వైరల్ అవుతుంది. ఈ సందర్భంగా నిర్మల సీతారామన్ ప్రవేశపెట్టిన బడ్జెట్ గురించి ఈయన స్పందిస్తూ..
NDA బడ్జెట్ సందర్భంగా శుభాకాంక్షలు అతి త్వరలోనే INDIA బడ్జెట్ వస్తుందని ఆశిస్తున్న అంటూ ఈయన ట్వీట్ చేశారు. అయితే త్వరలోనే కూటమి ప్రభుత్వం కూలిపోతుందని తిరిగి ఐ ఎన్ డి ఐ ఏ ప్రభుత్వం కేంద్రంలో ఏర్పాటు కాబోతుందన్న ఉద్దేశంతో కమల్ హాసన్ ఈ ట్వీట్ చేశారు. ఇక ఈయన చేసిన ట్వీట్ పై పలువురు విమర్శలు కురిపిస్తున్నారు.
భారతీయుడు 2 బడ్జెట్..
కేంద్ర ఆర్థిక శాఖ మంత్రి నిర్మల సీతారామన్ ప్రవేశపెట్టిన బడ్జెట్ ఏం అసలు అర్థం కాలేదు అంటూ కొందరు కామెంట్లు చేయగా మరి కొందరు మాత్రం ముందు మీ భారతీయుడు 2 సినిమా బడ్జెట్ విషయాలు బయట పెట్టండి అంటూ ఈయనకు కౌంటర్ ఇస్తూ చేస్తున్న కామెంట్స్ వైరల్ అవుతున్నాయి.
