Mahesh Babu: టాలీవుడ్ ఇండస్ట్రీలో సూపర్ స్టార్ గా ఎంత పేరు ప్రఖ్యాతలు సంపాదించుకున్న మహేష్ బాబు ఒకవైపు సినిమాలలో నటిస్తూనే మరోవైపు ఎన్నో బ్రాండ్లకు అంబాసిడర్ గా వ్యవహరిస్తున్నారు. అదేవిధంగా వ్యాపార రంగంలో కూడా ఇప్పటికైనా ఏఎంబి సినిమాస్ కూడా ప్రారంభిస్తున్న విషయం మనకు తెలిసిందే.ఈ విధంగా ఒక వైపు వ్యాపార రంగంలోనూ మరోవైపు సినిమా రంగంలోనూ ఎంతో సక్సెస్ అయ్యారు.
ఇలా రెండు వైపులా భారీ లాభాలను తీసుకుంటున్నటువంటి మహేష్ బాబు తాజాగా మరొక వ్యాపార రంగంలోకి అడుగుపెట్టడానికి సిద్ధమైనట్లు గత కొద్ది రోజులుగా వార్తలు వస్తున్నాయి.ప్రస్తుతం మహేష్ బాబు రెస్టారెంట్ బిజినెస్ లోకి అడుగుపెట్టబోతున్నారని ప్రస్తుతం రెస్టారెంట్లను హైదరాబాద్ లో స్థాపించి ఇక్కడ బాగా డెవలప్ అయిన తర్వాత దేశమంతటా తమ రెస్టారెంట్లను ప్రారంభించాలని ఆలోచనలో ఉన్నారట.
ఈ క్రమంలోనే ప్రస్తుతం రెస్టారెంట్లకు సంబంధించిన పనులు జరుగుతున్నాయని త్వరలోనే వీటిని ప్రారంభం చేయబోతున్నారని సమాచారం.ఇక మహేష్ బాబు తన భార్య నమ్రత పేరు మీద రెస్టారెంట్లను ప్రారంభించబోతున్నారు అయితే మహేష్ బాబు ప్రారంభించే రెస్టారెంట్ల పేర్లు ప్రస్తుతం సోషల్ మీడియాలో వైరల్ గా మారాయి. మహేష్ బాబు ప్రారంభించే రెండు రెస్టారెంట్లకు ఒకటి ‘మినర్వా ఎన్’ (ఏషియన్ నమ్రత) నవంబర్ లో, మరొకటి ‘పాలస్ హైట్స్’ డిసెంబర్లో ప్రారంభించబడుతుంది.
Mahesh Babu: బంజారాహిల్స్ లో మహేష్ బాబు హోటల్…
ఈ రెండు హోటళ్లలో ఒక హోటల్ నగరంలోని బంజారా హిల్స్ ప్రాంతంలోని టీఆర్ఎస్ ఆఫీస్ పార్టీ కార్యాలయం దగ్గర స్థాపించబోతున్నారట ప్రస్తుతం ఈ హోటల్ ఇంటీరియర్ వర్క్ జరుగుతుంది. ఎంతో విలాసవంతమైన పార్కింగ్ తో పాటు రెస్టారెంట్ ను కూడా ఎంతో విలాసవంతంగా నిర్మించబోతున్నారని సమాచారం. ఇక ఈ హోటల్ కార్యకలాపాలన్నింటిని నమ్రత దగ్గరుండి చూసుకుంటున్నారు.
