Mrunal Thakur: హైదరాబాదులో ఇల్లు కొన్న మృణాల్… అడ్రస్ చెబుతారా అంటూ స్పందించిన నటి!

0
21

Mrunal Thakur: బుల్లితెర సీరియల్స్ ద్వారా ప్రేక్షకులను సందడి చేస్తూ సీరియల్ నటిగా గుర్తింపు పొందిన మృణాల్ ఠాకూర్ అనంతరం బాలీవుడ్ సినిమా అవకాశాలను అందుకున్నారు. ఇలా బాలీవుడ్ సినిమాలలో నటిస్తూ గుర్తింపు పొందిన ఈమె తెలుగులోకి సీతారామం సినిమా ద్వారా ప్రేక్షకుల ముందుకు వచ్చారు.

హను రాఘవపూడి దర్శకత్వంలో తెరకెక్కిన ఈ సినిమాలో మలయాళ హీరో దుల్కర్ సల్మాన్ నటించారు. ఈ సినిమాలో మృణాల్ ఠాకూర్ హీరోయిన్గా నటించారు. ఇలా మొదటి సినిమాతో తెలుగులో ఎంతో మంది అభిమానులను సొంతం చేసుకున్నటువంటి ఈమెకు పెద్ద ఎత్తున తెలుగులో కూడా సినిమా అవకాశాలు వస్తున్నాయి.

ఇలా వరుస తెలుగు సినిమాలలో బిజీగా గడుపుతున్నటువంటి ఈమె గురించి సోషల్ మీడియాలో కూడా ఎన్నో వార్తలు చక్కర్లు కొడుతున్నాయి.ఈమె తరచూ షూటింగ్లో నిమిత్తం హైదరాబాద్ రావాలంటే చాలా ఇబ్బంది పడుతున్నారని ఇక్కడ హోటల్లో ఉండలేక స్వయంగా హైదరాబాద్లో ఖరీదైన ప్రాంతంలో ఇల్లు కొనుగోలు చేశారు అంటూ వార్తలు వస్తున్నాయి. తాజాగా ఈ వార్తల పైన నటి మృణాల్ స్పందించారు.

Mrunal Thakur: నేను నా ఇంటిని చూస్తాను…


ఈ సందర్భంగా తాను హైదరాబాద్ లో ఇల్లు కొన్నాననే వార్తలు వస్తున్న నేపథ్యంలో ఈ వార్తలపై స్పందించిన ఈమె నా ఇంటి అడ్రస్ నాకు కాస్త చెబుతారా నేను కూడా నా ఇంటిని చూస్తాను అంటూ కామెంట్ చేశారు. ఇలా ఈమె కామెంట్ చేశారు అంటే ఇల్లు కొన్నట్టు వస్తున్నటువంటి వార్తలలో ఏమాత్రం నిజం లేదని తెలిసిపోతుంది. ఇక హైదరాబాద్ లాంటి ప్రాంతంలో ఇల్లు కొనాలని ఎవరికైతే ఉండదు అంటూ కూడా ఈమె చెప్పుకొచ్చారు. దీన్ని బట్టి చూస్తే భవిష్యత్తులో ఈమె హైదరాబాదులో ఇల్లు కొనాలనే ఆలోచనలో కూడా ఉందని తెలుస్తోంది.