సమంత నాగ చైతన్యల వివాహబంధానికి స్వస్తి పలుకుతున్నామని చెప్పి దాదాపు వారం రోజులు కావస్తున్నా ఇప్పటికీ వీరిద్దరి విషయం సోషల్ మీడియాలో సంచలనంగా మారింది. సమంత నాగచైతన్య విడిపోవడానికి కారణం అంటూ ఎవరికి తోచిన విధంగా వారు మాట్లాడుతున్నారు.ఈ క్రమంలోనే విడాకుల తర్వాత తన విడాకుల విషయమై నాగచైతన్య ఏమాత్రం స్పందించకపోగా సమంత మాత్రం తన విడాకుల విషయమై ఘాటుగా స్పందించారు.
విడాకులు తీసుకుని విడిపోవడంతో ప్రతి ఒక్కరు తనకు ఎఫైర్స్ ఉన్నాయని, పిల్లలు వద్దనుకుని అబార్షన్లు చేయించుకున్నాను అని మాట్లాడుతున్నారు. విడాకుల బాధ నుంచే తను బయట పడలేని స్థితిలో ఉన్న తనపై ఈ విధమైనటువంటి ఆరోపణలు చేస్తూ మరింత బాధ పెట్టారని ఎమోషనల్ అయ్యారు. ఇదిలా ఉండగా సమంత తల్లి కావడం గురించి యువ నిర్మాత నీలిమ గుణ సంచలన వ్యాఖ్యలు చేశారు.
తాజాగా ఈమె ఒక జాతీయ మీడియా సంస్థతో మాట్లాడుతూ అసలు సమంత తల్లి కావడానికి సిద్ధంగా ఉందన్న విషయాన్ని బయటపెట్టారు. శాకుంతలం సినిమా కోసం సమంతను సంప్రదిస్తే సమంత వారికి కొన్ని కండిషన్లు పెట్టిందని తెలియజేశారు.తాను సినిమాల్లో నటించాలనుకోవడం లేదని తను ప్రస్తుతం ఫ్యామిలీ ప్లానింగ్ లో ఉండటం వల్ల పూర్తి సమయం కుటుంబంతో గడపాలని భావించినట్లు చెప్పారని ఈ సందర్భంగా మీడియాకు వెల్లడించారు.
అయితే పౌరాణిక చిత్రం కావడంతో ఈ సినిమాలో నటించడానికి సమంత కొన్ని కండిషను పెట్టింది. సినిమాను వీలైనంత వరకు ఆగస్టు చివరి కల్లా పూర్తి చేసేలా ఉంటేనే తను సినిమాకు ఒప్పుకుంటానని లేకపోతే ఈ సినిమాలో నటించలేననే ఆ విషయాన్ని ఆమె వెల్లడించారు. ఈ క్రమంలోనే సమంత చెప్పిన విధంగానే ఈ సినిమా షూటింగ్ త్వరగా పూర్తి చేస్తామని మాట ఇవ్వడంతోనే సమంత శాకుంతలం సినిమాలో నటించిందని తెలిపింది.
సమంత తనకు పిల్లలు కావాలన్న ఉద్దేశంతోనే పిల్లలను కనడానికి సిద్ధమైందని అయితే అనుకోకుండా ఈ విధంగా విడాకులు తీసుకోవడంతో సమంత వైపు నుంచి ఏ మాత్రం తప్పులేదని తెలుస్తోంది. మరి సమంత నాగ చైతన్యల విడాకుల విషయంలో ఏం జరిగింది… తప్పు మొత్తం అక్కినేని కుటుంబానిదేనా.. వీరు విడాకులకు కారణం ఏమై ఉంటుంది అనే విషయాలు మాత్రం ఎవరికీ తెలియడం లేదు.
