Prabhas : బాహుబలి సినిమాతో పాన్ ఇండియా హీరోగా పేరు ప్రఖ్యాతలు సంపాదించుకున్న ప్రభాస్ బాహుబలి సినిమా తర్వాత ప్రతి ఒక్క సినిమాని కూడా పాన్ ఇండియా స్థాయిలో ప్రేక్షకుల ముందుకు తీసుకువస్తున్నారు.ఈ విధంగా పాన్ ఇండియా స్థాయిలో వరుస సినిమాలతో ఎంతో బిజీగా ఉన్నటువంటి ప్రభాస్ ఈమధ్య కాలంలో బయట ఈవెంట్లకు వెళ్లిన ప్రతిసారి కాస్త వింతగా కనిపిస్తున్నారు.
సినిమా ఈవెంట్ లో లేదా ఏదైనా కార్యక్రమాల నిమిత్తం బయటకు వచ్చినటువంటి ప్రభాస్ తలకు క్యాప్ పెట్టుకొని కనిపిస్తున్నారు. ఇలా ప్రభాస్ తలకు క్యాప్ పెట్టుకోవడంతో ఆయన లుక్ పట్ల విమర్శలు వచ్చాయి. ప్రభాస్ ఏంటి ఇలా క్యాప్ పెట్టుకుని ఉన్నారంటూ అభిమానులు పలు సందేహాలను వ్యక్తం చేశారు.
ఇకపోతే ప్రభాస్ ఒకసారి కాదు ఇలా బయటకు వెళ్లిన ప్రతిసారి క్యాప్ ఎందుకు పెట్టుకుంటున్నారనే విషయం గురించి సందేహాలను వ్యక్తం చేయగా తాజాగా ప్రభాస్ ఇలా క్యాప్ పెట్టుకోవడానికి కారణమేంటో తెలిసిపోయింది.సోషల్ మీడియాలో వస్తున్న కథనాల ప్రకారం ప్రభాస్ ఇలా క్యాప్ పెట్టుకొని బయటకు వెళ్లడానికి గల కారణం తన సినిమాలేనని తెలుస్తోంది.
Prabhas: తన సినిమాల లుక్ బయటపడకుండా ఉండడం కోసమే…
ప్రభాస్ ప్రస్తుతం వరుస సినిమాలలో నటిస్తూ ఎంతో బిజీగా ఉన్నారు. ఈ క్రమంలోనే తన సినిమాలలో తన లుక్ తెలియకుండా ఉండడం కోసం ఇలా బయటకు వెళ్లిన ప్రతిసారి క్యాప్ పెట్టుకుంటున్నారని,గతంలో తన సినిమాల విషయంలో జరిగిన పొరపాటు ఇప్పుడు జరగకుండా ఉండడం కోసమే ఇలా క్యాప్ ధరించి వెళుతున్నారని తెలుస్తోంది.
