Kalki: పాన్ ఇండియా స్టార్ హీరో ప్రభాస్ ప్రస్తుతం వరుస సినిమాలలో నటిస్తూ కెరియర్ పరంగా ఎంతో బిజీ అయ్యారు. ఈయన హీరోగా వరుస పాన్ ఇండియా సినిమాల ద్వారా ప్రేక్షకుల ముందుకు వస్తున్నారు. ఈ క్రమంలోనే ఇటీవల సలార్ సినిమా ద్వారా ప్రేక్షకుల ముందుకు వచ్చినటువంటి ప్రభాస్ త్వరలోనే కల్కి సినిమా ద్వారా ప్రేక్షకుల ముందుకు రావడానికి సిద్ధమయ్యారు.
పాన్ ఇండియా స్థాయిలో అత్యంత భారీ బడ్జెట్ సినిమాగా తెరకెక్కినటువంటి ఈ చిత్రం మే తొమ్మిదవ తేదీ అత్యధిక భాషలలో విడుదలకు సిద్ధమైంది. తొమ్మిదవ తేదీ ఈ సినిమా రాబోతుందనే విషయం తెలిసే ప్రభాస్ అభిమానులు ఎంతో సంతోషం వ్యక్తం చేశారు అయితే మరోసారి ఈ సినిమా విడుదల వాయిదా పడింది అనే సంగతి తెలిసిందే.
మే 13వ తేదీ ఏపీ తెలంగాణలో ఎన్నికలు జరుగుతున్నటువంటి నేపథ్యంలో రెండు రాష్ట్రాలు కూడా రాజకీయాలలో పూర్తిగా నిమగ్నమయ్యారు. ఇలాంటి సమయంలో ప్రభాస్ లాంటి హీరోలు నటించిన సినిమాలు వచ్చిన కూడా ప్రేక్షకులు పట్టించుకునే పరిస్థితులలో ఉండరు. అందుకే ఈ సినిమాని వాయిదా వేయాలని నిర్మాతలు భావించారు.
ఉగాది నుంచి ప్రమోషన్స్..
ఎన్నికల ఉన్నటువంటి నేపథ్యంలో మే 9వ తేదీ విడుదల కావలసినటువంటి ఈ సినిమాని మే 30 వ తేదీ ప్రేక్షకుల ముందుకు తీసుకురావడానికి సిద్ధమయ్యారని తెలుస్తోంది. ఇక ఇదే విషయాన్ని మేకర్స్ త్వరలోనే తెలియజేయనున్నారు. ఇక ఉగాది పండుగను పురస్కరించుకొని ఈ సినిమా ప్రమోషన్ కార్యక్రమాలను కూడా మొదలు పెట్టబోతున్నట్లు తెలుస్తోంది.
