Prabhas Seenu : ఛత్రపతి, గబ్బర్ సింగ్, రామయ్య వస్తావయ్య వంటి సినిమాల్తో కమెడియన్ గా మంచి ఇమేజ్ తెచ్చుకున్న శ్రీనివాస్, ప్రభాస్ శీను గానే మంచి గుర్తింపు తెచ్చుకున్నాడు. గబ్బర్ సింగ్ లో తన నటనకు మంచి ప్రశంసలే కాకుండా అవకాశాలు కూడా వచ్చాయి. అయితే సరైన ప్లానింగ్ కెరీర్ మీద పెట్టకపోవడం వల్ల ఆర్థికంగా కూడా బాగా నష్టపోయిన ప్రభాస్ శీను తన కెరీర్ మొదట్లో అనుభవాలను, అవమానాలను తన వ్యక్తిగత జీవితం గురించి మాట్లాడారు.
నా భార్య నన్ను భరించింది…
ప్రభాస్ శీను తండ్రి ప్రభుత్వ ఉద్యోగిగా ఉండటం వల్ల తనకు పెద్దగా ఆర్థిక కష్టాలు లేవు. అయితే సినిమాల్లో నటించాలన్న కోరికతో ఇన్స్టిట్యూట్ లో చేరాలని అనుకున్నాడు. అలా ఇన్స్టిట్యూట్ లో శిక్షణ తీసుకున్నాక ఆ తరువాత సత్యానంద్ గారి వద్ద శిక్షణ తీసుకోవాలని వెళ్లగా అక్కడ ప్రభాస్ పరిచయం అయి ఇద్దరూ మంచి స్నేహితులయ్యారు. అలా ప్రభాస్ కి కేర్ టేకెర్గా మారాడు, అలా శ్రీనివాస్ ప్రభాస్ శీను గా మారాడు. సినిమాల్లో నటించాలని ఇండస్ట్రీ కి వచ్చిన శీను ప్రభాస్ తో కలిసి ఉండేవాడు ఇంకా తన వర్క్ చూసుకునేవాడు.
అలా పరిచయాలు పెంచుకుని సినిమాల్లో అవకాశాలు వచ్చాక కమెడియన్ గా మంచి పేరు తెచ్చుకున్నాడు. సినిమాల్లో అవకాశాలు రావడానికి ప్రభాస్ తో పరిచయమే కారణం, తాను లేకపోతే నేను లేను అంటూ చెప్పారు. ఇక వ్యక్తిగత జీవితం గురించి మాట్లాడుతూ ప్లాన్ చేసుకోవడం ఏమి తెలియకపోవడం వల్ల డబ్బు సంపాదించినది పోగొట్టుకున్నాను. ఆర్థికంగా చాలా బ్బంది పడినా నా భార్య నన్ను భరించింది. నేను చాలా యదవ అయినా తాను నన్ను భరించింది, తప్పులను కూడా క్షమించింది. నా జీవితంలో నా భార్య అందరికంటే ఎక్కువ, తల్లిదండ్రులు ఎపుడు మనల్ని కడుపులో పెట్టుకుని చూసుకుంటారు కానీ భార్య అలా ఉండాల్సిన పని లేదు కానీ నా భార్య నేను ఎన్ని ఇబ్బందులు పెట్టినా ఇప్పటికీ ఒకేలాగా ఉంది అంటూ చెప్పారు.
