Pushpa 2: పుష్ప 2 సినిమాకు పొలిటికల్ సెగ తగిలిన సంగతి మనకు తెలిసిందే. ఈ సినిమా విడుదలను అడ్డుకోవాలని ఎంతోమంది నాయకులు ప్రయత్నాలు చేసారు అలాగే మరి కొంతమంది మా నియోజకవర్గంలో ఈ సినిమాని ప్రదర్శించము అంటూ కూడా డిమాండ్లు చేశారు కానీ బన్నీ తుఫాను ముందు ఏ ఒక్కరు కూడా నిలవలేకపోయారని చెప్పాలి. ఈ సినిమా ఎంతో అద్భుతమైన హిట్ టాక్ సొంతం చేసుకుని అభిమానులను సందడి చేస్తుంది.
ఈ క్రమంలోనే ఈ సినిమా గురించి జనసేన నేత చేసిన వ్యాఖ్యలను వెనక్కి తీసుకుంటున్నాను అంటూ గన్నవరం జనసేన నేత చలమ శెట్టి రమేష్ చేసిన వ్యాఖ్యలు ప్రస్తుతం వైరల్ అవుతున్నాయి. ఈయన ఇటీవల ఒక ఇంటర్వ్యూ సందర్భంగా అల్లు అర్జున్ కు వార్నింగ్ ఇచ్చారు.
అల్లు అర్జున్ గత ఎన్నికల సమయంలో తన స్నేహితుడికి మద్దతు తెలుపుతూ మెగా అభిమానులు అలాగే జన సైనికులను తన వ్యవహార శైలితో ఇబ్బంది పెట్టారు. అహం నెత్తిన పెట్టుకొని ప్రవర్తించిన అల్లు అర్జున్ ఇప్పటికైనా చిరంజీవి నాగబాబు పవన్ కళ్యాణ్ కాళ్లు కడిగి ఆ నీటిని నెత్తిపై చల్లుకోవాలి లేకపోతే పుష్ప 2 సినిమాని అడ్డుకుంటాము అంటూ వార్నింగ్ ఇచ్చారు.
Pushpa 2: కాళ్లు కడగాలి..
ఇక ఈయన వ్యాఖ్యలపై బన్నీ అభిమానుల నుంచి తీవ్రస్థాయిలో విమర్శలు వచ్చాయి. అయితే తాజాగా తన పార్టీ ప్రధాన కార్యదర్శి నాగబాబు సూచనల మేరకు ప్రతి ఒక్కరి వృత్తిని పనిని గౌరవించాలని చెప్పడంతో పుష్ప 2 సినిమా విషయంలో నా మాటలను వెనక్కి తీసుకుంటున్నాను అంటూ ఈయన చేసిన ఒక వీడియో ప్రస్తుతం సంచలనంగా మారింది. ఇలా పుష్ప దెబ్బకు ఒక్కసారిగా యూటర్న్ తీసుకున్నారు అంటూ అభిమానులు కామెంట్లు చేస్తున్నారు.
