Pushpa 2: ఐకాన్ స్టార్ అల్లు అర్జున్ హీరోగా నటించిన పుష్ప 2 సినిమా కోసం దేశవ్యాప్తంగా అభిమానులు ఎంతో ఆత్రుతగా ఎదురుచూస్తున్నారు. ఇక ఈ సినిమా డిసెంబర్ 5వ తేదీ పాన్ ఇండియా స్థాయిలో విడుదల కాబోతున్న సంగతి తెలిసిందే. ఇలా ఈ సినిమా విడుదల తేదీ దగ్గర పడుతున్న నేపథ్యంలో ప్రమోషన్ కార్యక్రమాలను కూడా వేగవంతం చేస్తున్నారు.
ఇక త్వరలోనే ఆన్లైన్ బుకింగ్ కూడా ప్రారంభం కాబోతోంది. ఈ క్రమంలోనే సినిమా టికెట్ల రేట్ల గురించి ఎంతో ఉత్కంఠత నెలకొంది. కూటమి ప్రభుత్వం అధికారంలోకి వచ్చిన తర్వాత ఇప్పటివరకు విడుదలైన అన్ని సినిమాలకు కూడా అదనపు షోలతో పాటు సినిమా టికెట్ల రేట్లు కూడా పెంచిన సంగతి తెలిసిందే.
ఈ క్రమంలోనే పుష్ప సినిమాకి కూడా టికెట్ల రేట్లను పెంచుతారా లేకపోతే మామూలు ధరకే విక్రయిస్తారా అనేది తెలియాల్సి ఉంది. అయితే ఈ విషయంలో ఏపీ సర్కార్ ఎలాంటి నిర్ణయం తీసుకుంటుందనేది ప్రస్తుతం సంచలనంగా మారింది. ఇప్పటివరకు విడుదలైన సినిమాలకు పవన్ కళ్యాణ్ సానుకూలంగా స్పందించారు. మరి అల్లు అర్జున్ సినిమా విషయంలో ఈయన స్పందన ఎలా ఉంటుందనేది తెలియాల్సి ఉంది.
Pushpa 2: పవన్ నిర్ణయం ఏంటి..
ఇక గత కొంతకాలంగా పవన్ కళ్యాణ్ అల్లు అర్జున్ మధ్య వివాదాలు కొనసాగుతున్న సంగతి తెలిసిందే. ముఖ్యంగా ఏపీ ఎన్నికల సమయంలో పవన్ కళ్యాణ్ కు మద్దతు తెలియజేయకుండా వైకాపా నాయకుడికి అల్లు అర్జున్ మద్దతు తెలుపడంతో పుష్ప సినిమాని కూడా ఇబ్బందులకు గురిచేస్తారు అంటూ గత కొద్దిరోజులుగా వార్తలు వినిపిస్తున్నాయి. మరి ఈ సినిమా విషయంలో ఏపీ డిప్యూటీ సీఎం పవన్ కళ్యాణ్ ఎలాంటి నిర్ణయం తీసుకుంటారు అనేది తెలియాల్సి ఉంది.
