నందమూరి బాలకృష్ణ అఖండ సినిమాలో భారీ హిట్ కొట్టాడు. బాక్సాఫీస్ వద్ద అఖండ సినిమా వసూళ్ల కిక్ ఇచ్చింది. ఇటు సిల్వర్ స్క్రీన్ పై సత్తా చాటిన బాలయ్య బాబు.. ఓటీటీలో కూడా దుమ్ము రేపుతున్నాడు. ఇటీవల ఆహా ఓటీటీలో మొదలైన ‘అన్స్టాపబుల్ విత్ ఎన్బికె’ టాక్ షో సక్సెస్ అయింది. తొలి షోలోనే కలెక్షన్ కింగ్ మోహన్ బాబుతో చేసిన టాక్ షో జనాలను విపరీతంగా ఆకట్టుకుంది.
షోలో బాలకృష్ణ ఎనర్జీ లెవల్స్ పీక్స్ లో ఉంటున్నాయి. గెస్ట్ లుగా వచ్చినవారు బాలయ్య బాబు సందడి చూసి ఆశ్చర్యానికి గురవుతున్నారు. ఈ షో ద్వారా ఇప్పటికే మెహన్ బాబు, నాని, బోయపాటి శ్రీను, బ్రహ్మానందం, ఎంఎం కీరవాణి, రాజమౌళి, అనిల్ రావిపూడి వంటి వారితో సరదాగా ముచ్చటించారు బాలకృష్ణ. ప్రస్తుతం ఈ టాక్ షోలో ప్రముఖ తెలుగు నటుడు రవితేజ కనిపించనున్నారు.
తనపై పెట్టిన డ్రగ్స్ కేసు గురించి వివరించిన రవితేజ
షో రూపకర్తలు నటుడు రవితేజ, ‘క్రాక్’ చిత్ర దర్శకుడు గోపీచంద్ మల్లినేని ఫీచర్ చేసిన ప్రోమో వీడియోను విడుదల చేశారు. డ్రగ్స్ కేసు తనపై ఎలాంటి ప్రభావం చూపిందో మాస్ మహారాజా నటుడు వీడియోలో వెల్లడించాడు. టాక్ షోలో డ్యాన్స్ కూడా చేశాడు. దర్శకుడు గోపీచంద్ మలినేని తనను అరెస్ట్ చేసిన సందర్భం ఒకటి బయటపెట్టారు. ఈ సంభాషణలో బాలయ్య.. గోపీచంద్ తో మంచి అనుబంధాన్ని ఏర్పరచుకున్నట్లు తెలుస్తోంది.
దీనికి సంబంధించి ప్రోమో వైరల్ కాగా.. ఫుల్ ఎపిసోడ్ ఈ నెల 31 న విడుదల కానుంది. అన్స్టాపబుల్ మొదటి సీజన్లో 12 ఎపిసోడ్లు ఉంటాయి . తదుపరి ఎపిసోడ్ల షూట్ను త్వరలో పూర్తి చేయాలనే ఆలోచనలో బాలయ్య ఉన్నట్లు సమాచారం. వచ్చే ఏడాది ప్రారంభంలో గోపీచంద్ మలినేని సినిమా సెట్స్లో బాలయ్య జాయిన్ అవ్వనున్నాడు.
