Samantha: సినీనటి సమంత ప్రస్తుతం శాకుంతలం సినిమా ప్రమోషన్ కార్యక్రమాలలో ఎంతో బిజీగా ఉన్నారు. గుణశేఖర్ దర్శకత్వంలో తెరకెక్కిన ఈ సినిమా ఏప్రిల్ 14వ తేదీ పాన్ ఇండియా స్థాయిలో విడుదల కానుంది. ఇలా ఈ సినిమా పెద్ద ఎత్తున సినిమా ప్రమోషన్ కార్యక్రమాలను నిర్వహిస్తున్నారు. ఈ సినిమా ప్రమోషన్ కార్యక్రమాలలో భాగంగా సమంత పలు ఇంటర్వ్యూలకు హాజరవుతున్నారు.
ఈ క్రమంలోనే సమంత తాజాగా యాంకర్ సుమతో కలిసి ఒక ఇంటర్వ్యూలో పాల్గొన్నారు. ఇంటర్వ్యూ సందర్భంగా సినిమా గురించి ఎన్నో విషయాలను తెలియజేశారు. ఇకపోతే ఈ ఇంటర్వ్యూలో భాగంగా సుమ సమంత ఆరోగ్యం గురించి ప్రశ్నించారు. ఈ ప్రశ్నకు సమంత తన ఆరోగ్య పరిస్థితి గురించి వివరించారు.
ఒకప్పుడు తాను చాలా వీక్ గా మారిపోయాయని అయితే ప్రస్తుతం తన ఆరోగ్య పరిస్థితి కాస్త మెరుగ్గా ఉందని ఈమె తెలిపారు. తన పనులను తానే చేసుకోగలుగుతున్నాను, బయటకు తిరగ గలుగుతున్నాను అంటూ సమాధానం చెప్పారు. ఇలా ఆరోగ్యం కుదుటపడటంతోనే శాకుంతలం సినిమా ప్రమోషన్లలో కూడా పాల్గొంటున్నానని, ఇలా ఈ ఇంటర్వ్యూలో పాల్గొనడం తనకు సంతోషంగా ఉందని సమంత వెల్లడించారు.
Samantha: ఇప్పుడిప్పుడే బయట తిరుగుతున్న..
ఇకపోతే గత కొద్దిరోజులుగా ఈమె మయోసైటిసిస్ వ్యాధితో బాధపడుతున్న విషయం మనకు తెలిసిందే. ఇలా ఈ వ్యాధి బారిన పడిన సమంత పూర్తిగా సినిమాలకు విరామం ప్రకటించి పూర్తిగా ఇంటికే పరిమితం అయ్యారు. అయితే ఇప్పుడిప్పుడే ఈమె అనారోగ్య సమస్యల నుంచి కోరుకుంటున్నారని తన ఆరోగ్య పరిస్థితి బాగుంది అంటూ సమంత చేసినటువంటి ఈ కామెంట్స్ వైరల్ అవుతున్నాయి.
