Sara Tendulkar bollywood debut : క్రికెట్ అనగానే ప్రతి ఒక్క భారతీయుడికి గుర్తొచ్చే పేరు సచిన్ టెండూల్కర్. క్రికెట్ లో సచిన్ టెండూల్కర్ లెజెండ్. ప్రతి ఒక్క క్రికెటర్ కి ఆయన స్ఫూర్తి. అలాంటి సచిన్ టెండూల్కర్ వారసులు ఏమి చేస్తున్నారు అనే విషయంపై అందరికి ఆసక్తి ఉంటుంది. ఒక సినీ సెలబ్రిటీ పిల్లలైతే సినిమాల్లోకి వస్తారని ఊహిస్తాము. ఇక క్రీడా రంగానికి చెందిన వాళ్ళ పిల్లలు అటు వైపు వెళ్తారని అనుకుంటాము. కానీ అలాగే జరగాలని రూల్ ఏమి లేదు.
ప్రకాష్ పడుకొనే బాడ్మింటన్ ప్లేయర్, ఆయన కూతురు దీపికా పడుకునే ఆయన లాగా క్రీడల్లోకి వెళ్ళలేదు మోడలింగ్ వైపు వెళ్లి బాలీవుడ్ హీరోయిన్ గా సెటిల్ అయింది. ఇపుడు అగ్ర హీరోయిన్ గా వెలుగుతోంది. ఇక ఇప్పుడు ఈ చర్చంతా సచిన్ టెండూల్కర్ కూతురు సారా టెండూల్కర్ గురించే. ఆమె కూడా తండ్రిలాగా క్రీడల్లో రానిస్తుందేమో అనుకుంటే పొరపాటే.
మోడలింగ్ లో దూసుకుపోతున్న సారా….
సారాకి మోడలింగ్ అంటే చాలా ఇష్టమట. అందుకే పలు బ్యూటీ బ్రాండ్ యాడ్స్ లో కూడా మెరిసింది. ఈ క్రమంలో ఆమె కొద్దిపాటి యాక్టింగ్ కూడా నేర్చుకున్నట్లు తెలుస్తుంది. సోషల్ మీడియాలో 1.9 మిలియన్స్ ఫాలోయింగ్ కలిగి ఉన్న సారా, మోడలింగ్ యాడ్స్ లో కూడా కనిపించింది.ఇంత ఫాలోయింగ్ యాడ్స్ లో నటించిన అనుభవం ఉంది కదా అని ఇక అందరు సారా బాలీవుడ్ లో హీరోయిన్ గా వస్తుందంటూ అనుకున్నారు. బర్త్ డే సందర్భంగా సారా సినీ ఎంట్రీపై అప్ డేట్ వస్తుందని వెయిట్ చేశారు. కానీ ఈ విషయం పై క్లారిటీ ఇచ్చింది టెండూల్కర్ ఫ్యామిలీ.
లండన్ లో మెడిసిన్ చదివి ఇంటర్నేషనల్ బ్రాండ్ ‘సెల్ఫ్-పోట్రెయిట్’ కోసం మాత్రమే మోడలింగ్ లో అడుగుపెట్టిందట సారా, ఇదంతా సినిమాల కోసం కాదని ఫ్యామిలీ క్లారిటీ ఇచ్చింది. సారా బాలీవుడ్ ఒక స్టార్ హీరో తో తన సినీ ఆరంగేట్రం చేయబోతోందంటూ వచ్చిన వార్త ఒట్టి పుకారేనని తెల్చేశారు టెండూల్కర్ కుటుంబం.
