Shatrughan Sinha: శత్రుఘ్న సిన్హ పరిచయం అవసరం లేని పేరు బాలీవుడ్ ఇండస్ట్రీలో నటుడిగా ఎంతో మంచి పేరు సంపాదించుకున్న ఈయన రాజకీయాలలోకి వచ్చి రాజకీయాలలో కూడా తన మార్క్ ఏంటో నిరూపించుకున్నారు. ఇలా సినీ ఇండస్ట్రీలోను రాజకీయాలలో తనకంటూ ఎంతో మంచి గుర్తింపు సంపాదించుకున్న శత్రుఘ్న సిన్హ తాజాగా పెళ్లి గురించి సంచలన వ్యాఖ్యలు చేశారు.
ఈ సందర్భంగా ఈయన మాట్లాడుతూ ఒకే పెళ్లి ఒక భార్య ముద్దు రెండో పెళ్లి వద్దు అంటూ చెప్పుకొచ్చారు. నాకు ఒకరు చాలు పెరుగుతున్న ఖర్చులకు అనుగుణంగా నేను మరొకరిని పెళ్లి చేసుకుని తనని పోషించలేను పెళ్లి అంటే ఒక రోజులో ముగిసే తంగం కాదు. అది మీరు జీవితంలో ఎదగడానికి ఉపయోగపడాలి వైవాహిక జీవితంలో ఎంతో నిజాయితీగా ఒకరికొకరు ప్రేమ గౌరవాన్ని ఇచ్చిపుచ్చుకోవాలి. ప్రేమతో పాటు కొన్ని చిన్న చిన్న గొడవలు కూడా ఉండడం సర్వ సాధారణం.
చాలామంది తమకు సింగిల్ లైఫ్ బాగుందని పెళ్లి తర్వాత తమ లైఫ్ ఏ మాత్రం బాగాలేదని చెబుతుంటారు. అయితే తాను మాత్రం తన వైవాహిక జీవితంలో ఎంతో సంతోషంగా ఉన్నానని పెళ్లి బంధంలో తనకన్నా తన భార్య ఎంతో నిజాయితీగా ఉంటుందని నటుడు శత్రుఘ్న సిన్హ పేర్కొన్నారు. ఇక ఈ మధ్యకాలంలో యువత చిన్న చిన్న గొడవలకే విడాకుల వరకు వెళ్తున్నారు.
Shatrughan Sinha: పిల్లలపై కూడా ప్రభావం చూపుతాయి…
ఇలా పెళ్లి తర్వాత చిన్న గొడవలకు విడాకులు తీసుకుంటే ఆ ప్రభావం మీ జీవితంలోను అలాగే మీ పిల్లలపై కూడా పడుతుందని గ్రహించలేకపోతున్నారంటూ ఈయన యువతకు చిన్నపాటి సూచనలు కూడా తెలియజేశారు. ఇలా పెళ్లి గురించి శత్రుఘ్న సిన్హ చేసినటువంటి ఈ కామెంట్ సోషల్ మీడియాలో వైరల్ గా మారాయి.
