Singer Revanth: బుల్లితెర పై బిగ్ బాస్ సీజన్ సిక్స్ కార్యక్రమంలో పాల్గొన్నటువంటి కంటెస్టెంట్లలో సింగర్ రేవంత్ ఉన్న విషయం మనకు తెలిసిందే.రేవంత్ సింగర్ గా మంచి గుర్తింపు సంపాదించుకొని ప్రస్తుతం బిగ్ బాస్ కార్యక్రమంలో కొనసాగుతున్నారు. ఈ కార్యక్రమంలో ఈయన స్ట్రాంగ్ కంటెస్టెంట్ గా ఉండటమే కాకుండా ఈ అనే టైటిల్ విన్నర్ అంటూ పెద్ద ఎత్తున సోషల్ మీడియాలో వార్తలు వస్తున్నాయి.
ఇకపోతే రేవంత్ తన భార్య అన్విత ఆరు నెలల ప్రెగ్నెంట్ ఆయన సమయంలో బిగ్ బాస్ హౌస్ లోకి వెళ్లారు. ప్రస్తుతం ఈమెకు నెలలు నిండడంతో తన భర్త లేని లోటు స్పష్టంగా కనబడుతోంది. ఈ క్రమంలోనే తన భర్త రేవంత్ ను ఉద్దేశిస్తూ సోషల్ మీడియా వేదికగా ఎమోషనల్ పోస్ట్ చేశారు. ప్రస్తుతం ఈ పోస్ట్ వైరల్ గా మారింది.
ఈ సందర్భంగా అన్విత సోషల్ మీడియా వేదికగా స్పందిస్తూ… రేవంత్ తో కలిసి దిగినటువంటి ఫోటోని షేర్ చేస్తూ నువ్వు నా పక్కన లేకపోవడంతో నా లైఫ్ లో స్ట్రెంత్.. స్మైల్.. చార్మ్ అనేవి లేవు. ఇలాంటి సమయంలో నిన్ను చాలా మిస్ అవుతున్నాను ఇప్పుడు నువ్వు నా పక్కన ఉంటే చాలా బాగుండేది. ఇప్పుడు నాకు కేవలం నువ్వు మాత్రమే అవసరం నువ్వు మాత్రమే నాకు కావాలి నీకోసం ఎదురు చూస్తున్నా అంటూ ఎమోషనల్ పోస్ట్ చేశారు.
ఈ సమయంలో ఆందోళన వద్దు…
ఈ విధంగా అన్విత నిండు గర్భిణిగా ఉండి తన భర్తని ఎంతో మిస్ అవుతున్నానంటూ తన కోసమే ఎదురుచూస్తున్నానంటూ సోషల్ మీడియా వేదికగా ఎమోషనల్ పోస్ట్ చేయడంతో ఎంతోమంది అభిమానులు నెటిజన్లు ఈమె పోస్టుకు రిప్లై ఇస్తూ.. ఇలాంటి సమయంలో మీరు ఏ విషయం గురించి ఎక్కువగా ఆందోళన చెందకూడదు.మీరు నిశ్చింతగా ఉండండి రేవంత్ తప్పకుండా విజయంతో మీ వద్దకు వస్తారు అంటూ ఆమెకు ధైర్యం చెబుతున్నారు.
