Siri Hanmanth: బిగ్ బాస్ బ్యూటీ సిరి గురించి ప్రత్యేకంగా చెప్పాల్సిన పని లేదు. బిగ్ బాస్ సీజన్ 5 లో టాప్ 5 కంటెస్టెంట్ గా సిరి నిలిచింది. ఇదే కాకుండా షణ్ముఖ్ జశ్వంత్ తో కెమిస్ట్రీలో మరింత పాపులర్ అయింది. బిగ్ బాస్ హౌజ్ లో షన్నూతో కిస్సింగ్, హగ్గింగ్ లతో తెగ ఫేమస్ అయిపోయింది.
ఫ్రెండ్షిప్ కన్నా వీరిద్దరి మధ్య మరేదో రిలేషన్ ఉందని అనుకునేలా.. వీరిద్దరు చెలరేగిపోయారు. విజేతగా నిలవాల్సిన షన్నూ.. సిరి కారణంగా రన్నరప్ గా నిలిచారనే వాదనలు ఉన్నాయి. ఇదిలా ఉంటే షన్నూ- దీప్తి సునయన విడిపోవడానికి మెయిన్ విలన్ సిరినే అంటూ సోషల్ మీడియాలో కామెంట్లు, ట్రోలింగ్ లు నడిచాయి.
అయితే వీరిద్దరూ కూడా తాము మంచి ఫ్రెండ్స్ అని చెబుతున్నప్పటికీ.. వీరిద్దరి మధ్య బిగ్ బాస్ హౌజ్ లో నడిచిన ట్రాక్ ను బట్టి చూస్తే.. అలా అనిపించడం లేదు. ఇటు షన్నూ, దీప్తితో రిలేషన్ షిప్ లో ఉండగా… అటు సిరి కూడా శ్రీహాన్ తో రిలేషన్ షిప్ లో ఉంది.
పాజిటివ్గా తేలిందని ఇన్స్టా స్టోరీలో…
బిగ్ బాస్ హౌజ్ లో జరిగిన సీన్లతో ఈరెండు జంటల మధ్య తేడాలు వచ్చాయి. ఇదిలా ఉంటే బిగ్ బాస్ బ్యూటీ సిరి హన్మంతుకు తాజాగా కరోనా పాజిటివ్ గా తేలింది. ఈవిషయాన్ని ఇన్ స్టా ద్వారా తెలియజేసింది ఈ అమ్మడు. స్వల్ప లక్షణాలతో కరోనా పాజిటివ్గా తేలిందని సిరి ఇన్స్టా స్టోరీలో రాసుకొచ్చింది. హోం ఐసోలేషన్లో ఉంటూ చికిత్స తీసుకుంటున్నట్లు తెలిపారు.
