Star Hero: కోలీవుడ్ చిత్ర పరిశ్రమలో అగ్ర నటుడిగా, డి.ఎం.డి.కె అధ్యక్షుడుగా మంచి పేరు సంపాదించుకున్న విజయ్ కాంత్ గత కొన్నాళ్లుగా అనారోగ్యంతో బాధపడుతున్న సంగతి మనకు తెలిసిందే.ఈ క్రమంలోనే ఆయన ఆరోగ్య పరిస్థితి విషమించడంతో ఈయనను అమెరికా సింగపూర్ వంటి దేశాలకు తీసుకెళ్లి అక్కడ వైద్య చికిత్సలు అందించారు.
ఈ క్రమంలోనే ఆయన ఆరోగ్య పరిస్థితి మెరుగు పడటంతో కుటుంబ సభ్యులు సంతోషించారు. అయితే ఈయన ఆరోగ్యాన్ని దృష్టిలో ఉంచుకొని పార్టీ బాధ్యతలను విజయ్ కాంత్ భార్య ప్రేమలత పార్టీ వ్యవహారాలను తన చేతులలోకి తీసుకున్నారు. అయితే ఈయన ఆరోగ్య పరిస్థితి నిలకడగా ఉందని భావించి కుటుంబ సభ్యులు సంతోష పడగా తిరిగి ఆయన ఆరోగ్య పరిస్థితి మరింత విషమంగా మారింది.
ఈ క్రమంలోని ఈయనను ఒక ప్రైవేట్ హాస్పిటల్ లో చేర్పించగా షుగర్ వ్యాధితో విజయ్ కాంత్ బాధ పడటం తో ఈయన కుడి కాలి వేళ్ళకు రక్తం సరఫరా కాకపోవడం వల్ల అత్యవసర పరిస్థితులలో డాక్టర్లు కాళ్ల వేళ్లను తొలగించాల్సిన పరిస్థితి ఏర్పడిందని, అందుకే వైద్యులు సర్జరీ చేసి తన కాలి 3 వేలను తొలగించారని తెలుస్తోంది.
విజయ్ కాంత్ క్షేమంగా తిరిగి రావాలి…
ప్రస్తుతం ఆయన ఆరోగ్య పరిస్థితి నిలకడగా ఉండటంతో మరొక రెండు రోజులలో ఇతనిని డిశ్చార్జ్ చేస్తారని వైద్యులు వెల్లడించారు.ఈ విధంగా నటుడిగా రాజకీయ నాయకుడిగా ఆయన అనారోగ్యం పాలై హాస్పిటల్లో చేరడంతో తమిళనాడు ముఖ్యమంత్రి ఆయన క్షేమంగా తిరిగి రావాలని కోరుకున్నారు. అదేవిధంగా సూపర్ స్టార్ రజనీకాంత్ సైతం ఆయన ఆరోగ్యంపై స్పందించి నా ప్రియమిత్రుడు విజయకాంత్ త్వరగా కోలుకోవాలని కెప్టెన్గా గర్జించాలని సర్వశక్తిమంతుడైన దేవుడిని ప్రార్థిస్తున్నాను అంటూ ట్వీట్ చేశారు.
