Tamannaah: టాలీవుడ్ మిల్క్ బ్యూటీగా ఎంతో పేరు ప్రఖ్యాతలు సంపాదించుకున్నటువంటి తమన్న గురించి ప్రత్యేకంగా చెప్పాల్సిన పని లేదు. ప్రస్తుతం ఈమె కేవలం సౌత్ ఇండస్ట్రీలో మాత్రమే కాకుండా నార్త్ ఇండస్ట్రీలో కూడా సినిమా అవకాశాలను అందుకొని దూసుకుపోతున్నారు. ప్రస్తుతం ఈమె నటుడు విజయ్ వర్మతో కలిసి నటించిన లస్ట్ స్టోరీ 2 విడుదలకు సిద్ధమవుతున్న నేపథ్యంలో వరుస ఇంటర్వ్యూలలో పాల్గొంటున్నారు.
ఈ సందర్భంగా ఒక ఇంటర్వ్యూలో పాల్గొన్నటువంటి తమన్నకు పెళ్లి గురించి ఒక ప్రశ్న ఎదురయింది. పెళ్లి విషయంలో ఒత్తిడికి గురవుతున్నారా అన్న ప్రశ్న ఈమెకు ఎదురయింది. ఈ ప్రశ్నకు తమన్నా సమాధానం చెబుతూ పలు విషయాలను వెల్లడించారు. పెళ్లి అనేది మనకు నచ్చినప్పుడు సమయం వచ్చినప్పుడు చేసుకునేది కాదని తెలియజేశారు.
పెళ్లి అంటే ఒక బాధ్యత ఆ బాధ్యతను మనం మోయగలము అన్న నమ్మకం వచ్చినప్పుడు పెళ్లి చేసుకోవాలని ఈమె సూచించారు. పెళ్లి అంటే ఒక పార్టీ కాదు.ఇద్దరు కలిసి ఎన్నో సంవత్సరాలు కలిసి ఉండాల్సి ఉంటుంది కనుక పెళ్లి విషయంలో ఎన్నో జాగ్రత్తలు తీసుకోవాలని ఈ సందర్భంగా పెళ్లి గురించి చేసినటువంటి కామెంట్స్ వైరల్ అవుతున్నాయి.
Tamannaah: విజయ్ వర్మతో ప్రేమలో తమన్నా…
ఇండస్ట్రీలో గత దశాబ్దన్నర కాలంగా నటిగా కొనసాగుతున్నటువంటి తమన్నా ఇప్పటివరకు పెళ్లి ఊసే ఎత్తడం లేదు అయితే ఈమె బాలీవుడ్ నటుడు విజయ్ వర్మతో ప్రేమలో ఉన్నానంటూ తన రిలేషన్ గురించి చెబుతూ చేసిన కామెంట్స్ వైరల్ అవుతున్నాయి అయితే తమన్న ఇలా చెప్పడంతో త్వరలోనే ఈమె కూడా ఈ కొత్త బంధంలోకి అడుగుపెట్టబోతుందంటూ వార్తలు వినపడుతున్నాయి.
