అనంతపురం జిల్లా: అనంతపురం జిల్లా బ్రహ్మసముద్రంలో ఓ మహిళ చేసిన ఆరోపణలు తీవ్ర దుమారం రేపుతున్నాయి. ఒంటరిగా జీవిస్తున్న తనకు, కస్తూర్బా గాంధీ బాలికల పాఠశాల (కేజీబీవీ)లో తన కూతురికి సీటు కావాలంటూ అడిగినప్పుడు, టీడీపీ నేత వన్నూరప్ప లైంగికంగా వేధించాడని బాధితురాలు మండిపడింది.
ఆరోపణల వివరాలు: డబ్బు లేదా లైంగిక వేధింపులు
వీడియో ప్రకారం బాధితురాలు చేసిన ఆరోపణల ప్రకారం సీటు ఇప్పించాలంటే ముందుగా రూ.10 వేలు ఇవ్వాలంటూ డిమాండ్ చేసిన వన్నూరప్ప, డబ్బు లేకపోతే తన కోరిక తీర్చాలంటూ అసభ్యంగా ప్రవర్తించాడని పేర్కొంది. అంతేకాకుండా, ఆమెను మళ్లీ స్కూల్లో ఉద్యోగం ఇస్తానని నెలకు రూ.6 వేలు జీతం ఉంటుందని చెప్పిన వన్నూరప్ప, తన ఇంటి బాధ్యత మొత్తం తానే తీసుకుంటానంటూ ఆకర్షించే మాటలతో ప్రభావితం చేయాలని ప్రయత్నించాడని ఆమె ఆరోపించింది.
బాధితురాలి ధైర్యమైన స్పందన
తన స్వభిమానం దెబ్బతినడంతో బాధితురాలు గట్టిగా స్పందించింది. “సీటు ఇప్పిస్తే సరే… డబ్బులు కూడా ఇస్తా, కానీ నీలా గలీజుగా ప్రవర్తిస్తే చెప్పుతో కొడతా” అంటూ స్పష్టం చేసింది. మరోసారి ఫోన్ చేస్తే పరిస్థితి మరింత దారుణంగా ఉంటుందని హెచ్చరించింది.
సామాజిక స్పందన, న్యాయం కోసం డిమాండ్
ఈ ఘటనకు సంబంధించిన వీడియో సోషల్ మీడియాలో వైరల్గా మారింది. దీంతో రాజకీయ, సామాజిక వర్గాల్లో తీవ్ర విమర్శలు వెల్లువెత్తుతున్నాయి. అధికారుల చర్యల కోసం స్థానికులు ఎదురు చూస్తున్నారు. బాధితురాలికి న్యాయం జరిగేలా చూడాలని నెటిజన్లు, కార్యకర్తలు డిమాండ్ చేస్తున్నారు.
#SaveWomenFromTDP
— YSR Congress Party (@YSRCParty) July 24, 2025
కస్తూర్బా స్కూల్లో నీ బిడ్డకు సీటు కావాలా? అయితే నా పక్కలోకి రా..!
కళ్యాణదుర్గం నియోజకవర్గంలో బిడ్డ చదువు కోసం సాయం కోరిన మహిళని అలుసుగా తీసుకుని టీడీపీ నేత వన్నూరప్ప వేధింపులు
చెప్పుతో కొడతానని చెప్పిన మహిళ.. దాంతో మహిళను బెదిరిస్తున్న వన్నూరప్ప
పని… pic.twitter.com/vUR50a33Ak
