Prabhas – Kriti Sanon: ప్రభాస్ గురించి సోషల్ మీడియాలో ఏదైనా వార్తలు వస్తున్నాయి అంటే అది కేవలం తన పెళ్లి గురించి మాత్రమే.ప్రభాస్ పాన్ ఇండియా స్థాయిలో హీరోగా ఎంతో మంచి గుర్తింపు సంపాదించుకున్న ఈయన పెళ్లి విషయం గురించి తరచు వార్తల్లో నిలుస్తుంటారు.ప్రభాస్ కి ఇప్పటికే 42 సంవత్సరాల వయసు కావడంతో ఇంకా పెళ్లి చేసుకోకుండా ఉండడం వల్ల తరచూ తన పెళ్లి గురించి ఏదో ఒక వార్త సోషల్ మీడియాలో చక్కర్లు కొడుతుంది.
ప్రభాస్ అనుష్క ఇద్దరు ఎంతో మంచి స్నేహితులు దీంతో చనువుగా ఉండడమే కాకుండా పలు సినిమాలలో నటించడంతో వీరిద్దరి మధ్య ఏదో రిలేషన్ ఉందని వీరిద్దరూ పెళ్లి చేసుకోబోతున్నారంటూ వార్తలు వచ్చాయి. అయితే ఈ వార్తలను అనుష్క పూర్తిగా కొట్టి పారేశారు. ఇకపోతే ప్రస్తుతం ప్రభాస్ ఆది పురుష్ సినిమాలో నటిస్తూ బిజీగా ఉన్నారు. ఈ సినిమాలో బాలీవుడ్ నటి కృతి సనన్ తో కలిసి నటించారు.
అయితే వీరిద్దరి గురించి పలుమార్లు సోషల్ మీడియాలో పెద్ద ఎత్తున వార్తలు వచ్చాయి. వీరిద్దరూ రిలేషన్ లో ఉన్నారంటూ వార్తలు రావడమే కాకుండా తాజాగా హీరో వరుణ్ ధావన్ కృతి సనన్ ప్రభాస్ గురించి చేసిన కామెంట్స్ వైరల్ అవుతున్నాయి. వరుణ్ ధావన్ కృతి జంటగా నటించిన భేడియా సినిమా విడుదలైంది. ఈ సినిమా ప్రమోషన్ లో భాగంగా ఒక ఇంటర్వ్యూలో పాల్గొన్నారు. ఈ ఇంటర్వ్యూలో భాగంగా కరణ్ జోహార్ ప్రశ్నిస్తూ మీ గుండెల్లో కృతి ఎందుకు లేదు అంటూ ప్రశ్నించారు.
Prabhas – kriti Sanon: ప్రభాస్ కృతి సనన్ రిలేషన్ పై హింట్ ఇచ్చిన వరుణ్ ధావన్
ఈ ప్రశ్నకు వరుణ్ ధావన్ సమాధానం చెబుతూ ఆమె వేరొక హీరో గుండెల్లో ఉందని,ప్రస్తుతం ఆయన ముంబైలో కాకుండా దీపికా పదుకొనేతో కలిసి వేరే ప్రాంతంలో సినిమా షూటింగ్లో బిజీగా ఉన్నారంటూ షాకింగ్ సమాధానం చెప్పారు. ఈ విధంగా వరుణ్ సమాధానం చెబుతుంటే కృతి మాత్రం నవ్వుతూ వద్దు అంటూ సైగలు చేస్తున్నారు.దీన్నిబట్టి చూస్తుంటే ప్రభాస్ దీపికా పదుకొనేతో కలిసి ప్రస్తుతం హైదరాబాద్లో ప్రాజెక్టుకే సినిమా షూటింగ్ లో బిజీగా ఉన్నారు. ఇలా ఈయన ప్రభాస్ కృతి సనన్ రిలేషన్ గురించి చేసినటువంటి ఈ కామెంట్ సోషల్ మీడియాలో వైరల్ కావడంతో పెద్ద ఎత్తున ఈ విషయం గురించి సోషల్ మీడియాలో చర్చలు మొదలయ్యాయి.
