Varun Tej: మెగా ప్రిన్స్ వరుణ్ తేజ్ ఇటీవల పెళ్లి చేసుకుని కొత్త జీవితంలోకి అడుగు పెట్టారు. ఇలా పెళ్లి తర్వాత ఈయన కెరియర్ పరంగా వరుస సినిమాలకు కమిట్ అవుతూ ఎంతో బిజీగా ఉన్నారు. అయితే ఒకప్పుడు ఇంటర్వ్యూలలో పాల్గొనటానికి కూడా ఎంతో మొహమాట పడేవారు ఇటీవల కాలంలో పెద్ద ఎత్తున ఇంటర్వ్యూలకు హాజరవుతూ తన సినిమా విషయాలు మాత్రమే కాకుండా వ్యక్తిగత విషయాలను కూడా అభిమానులతో పంచుకుంటున్నారు.
ఇక త్వరలోనే ఈయన నటించిన ఆపరేషన్ వాలంటైన్ అనే సినిమా కూడా ప్రేక్షకుల ముందుకు రాబోతున్న సంగతి తెలిసిందే. ఈ సినిమా మార్చి 1వ తేదీ విడుదల కానుంది. ఈ సినిమా విడుదల తేదీ దగ్గర పడుతున్నటువంటి తరుణంలో ప్రమోషన్ కార్యక్రమాలను కూడా నిర్వహించారు. ఇటీవల ఈ సినిమా నుంచి సెకండ్ సాంగ్ విడుదల చేశారు. అయితే ఈ సాంగ్ మల్లారెడ్డి కాలేజీలో విడుదల చేయగా స్టూడెంట్స్ తో వరుణ్ ఇంటరాక్ట్ అయ్యారు.
ఇలా విద్యార్థులు అడిగే ప్రశ్నలన్నింటికీ ఈయన సమాధానాలు చెప్పారు. అయితే చాలా వరకు ఈయన వ్యక్తిగత విషయాలకు సంబంధించిన ప్రశ్నలే వేశారు. ఇలా స్టూడెంట్స్ అడిగినటువంటి ప్రశ్నలకు వారు చెప్పినటువంటి సమాధానాలు విని నేటిజన్స్ షాక్ అవుతున్నారు. దీంతో వరుణ్ పట్ల నేటిజన్స్ చేస్తున్నటువంటి కామెంట్స్ వైరల్ అవుతున్నాయి.
లావణ్య కారణమా..
ఒకప్పుడు ఇంటర్వ్యూలలో మాట్లాడడానికి కూడా ఎంతో ఇబ్బంది పడే వరుణ్ తేజ్ ఇటీవల కాలంలో చాలా అద్భుతంగా ఇంటర్వ్యూలలో మాట్లాడుతున్నారని ఈయనలో పెళ్లి తర్వాత చాలా మార్పు వచ్చిందని కామెంట్లు చేస్తున్నారు. నువ్వు చాలా మారిపోయావన్న ఈ మార్పుకు కారణం లావణ్య కదా అంటూ పలువురు కామెంట్లు చేస్తున్నారు.
