Varun Tej: మెగా ప్రిన్స్ వరుణ్ తేజ్ త్వరలోనే ఆపరేషన్ వాలెంటైన్ అనే సినిమా ద్వారా ప్రేక్షకుల ముందుకు రావడానికి సిద్ధంగా ఉన్నారు. ఈ సినిమా మార్చ్1వ తేదీ ప్రేక్షకుల ముందుకు రాబోతున్నటువంటి తరుణంలో ప్రమోషన్ కార్యక్రమాలను కూడా వేగవంతం చేస్తున్నారు. ఈ సినిమా ప్రమోషన్ కార్యక్రమాలలో భాగంగా వరుస ఇంటర్వ్యూలకు హాజరవుతున్నారు.
ఇదిలా ఉండగా ఇటీవల వరుణ్ తేజ్ నటి లావణ్య త్రిపాఠిని ఎంతో ఘనంగా వివాహం చేసుకున్న సంగతి తెలిసిందే. గత కొన్ని సంవత్సరాలుగా ప్రేమలో ఉన్నటువంటి ఈ జంట గత ఏడాది నవంబర్ ఒకటవ తేదీ ఇటలీలో కుటుంబ సభ్యుల సమక్షంలో ఎంతో ఘనంగా వివాహం చేసుకున్నారు.
ఇలా వీరి వివాహం ఇటలీలో జరగడం పట్ల ఎంతోమంది వివిధ రకాలుగా కామెంట్లు చేశారు. అయితే తాజాగా వరుణ్ తేజ్ తమ పెళ్లి ఇటలీలో జరగడానికి గల కారణం ఏంటి అనే విషయాలను వెల్లడించారు. మా పెళ్లి కనుక ఇండియాలో జరిగే ఉంటే అమ్మానాన్నలు వచ్చే గెస్ట్ లను రిసీవ్ చేసుకోవడానికి సరిపోయేది వారు మా పెళ్లిని కన్నులారా చూడలేరు. అలాగే పెళ్లిని ఎంజాయ్ చేయలేరు అందుకే మేము ఇటలీలో వెడ్డింగ్ ప్లాన్ చేసామని తెలిపారు.
వెకేషన్ లో ఎంజాయ్ చేయాలి..
మా పెళ్లిలో మా ఫ్యామిలీ మొత్తం ఒక వెకేషన్ లా ఎంజాయ్ చేయాలన్న ఉద్దేశంతోనే ఇలా ప్లాన్ చేశామని అంతకుమించి మరే కారణాలు లేవని వరుణ్ తేజ్ తెలిపారు. ఇక ఇటలీలో తమ పెళ్లి వేడుకలను ప్రతి ఒక్కరు ఎంజాయ్ చేశారని తక్కువ మంది ఉంటేనే పెళ్లి చాలా కూల్ గా ఉంటుందని ఈ సందర్భంగా వరుణ్ తేజ్ చేసినటువంటి ఈ కామెంట్స్ ప్రస్తుతం సోషల్ మీడియాలో వైరల్ అవుతున్నాయి.
