Vijay Devarakonda: సినీ ఇండస్ట్రీలో హీరో హీరోయిన్లకు ఎంతో మంది అభిమానులు ఉంటారు ఇలా తమ హీరోలతో కలిసి ఒక ఫోటో దిగడం లేదా వీరు చేసే పోస్టులకు హీరో కామెంట్స్ చేయడం చేస్తే చాలు అభిమానులు సంతోషపడుతుంటారు. ఈ క్రమంలోనే ఇండస్ట్రీలో హీరోగా కొనసాగుతూ ఉన్నటువంటి వారిలో నటుడు విజయ్ దేవరకొండ ఒకరు. ఈయనకు ఎంతో మంది అభిమానులు ఉన్నారు.
ముఖ్యంగా విజయ్ దేవరకొండకు లేడీస్ ఫ్యాన్ ఫాలోయింగ్ ఎక్కువగా ఉందనే సంగతి మనకు తెలిసిందే. ఇలా విజయ్ దేవరకొండపై ఉన్నటువంటి అభిమానంతో ఇద్దరు కాలేజీ అమ్మాయిలు చేసిన పని చూస్తే మాత్రం అందరూ షాక్ అవ్వాల్సిందే. వీరిద్దరూ సోషల్ మీడియా వేదికగా ఒక వీడియోని షేర్ చేస్తూ ఈ వీడియోకి విజయ్ దేవరకొండ కామెంట్ చేస్తేనే తాము పరీక్షలకు చదువుతాము అంటూ విజయ్ దేవరకొండను ట్యాగ్ చేశారు.
ఇక ఈ వీడియో పై ఎంతోమంది నెటిజన్స్ ఈ వీడియోకి విజయ్ దేవరకొండ రియాక్ట్ అవడం ఏంటి అంటూ పెద్ద ఎత్తున కామెంట్లు చేశారు కానీ ఈ వీడియో చివరికి విజయ్ దేవరకొండ కంటపడటంతో ఆయన ఈ వీడియో పై కామెంట్ చేశారు. మీరు కనుక 90% మార్క్స్ తెచ్చుకుంటే ఏకంగా మిమ్మల్ని కలుస్తానని విజయ్ దేవరకొండ కామెంట్ చేశారు.
24 గంటలు లైగర్ చూపించాలి..
ఇక ఈ కామెంట్లపై ఎంతోమంది నెటిజన్స్ స్పందించారు. వాళ్లు కనుక ఫెయిల్ అయితే మేము వచ్చి కలుస్తాము అంటూ కొందరు నెగిటివ్ కామెంట్లు చేయగా మరికొందరు ఫెయిల్ అయితే కనుక 24 గంటలు కంటిన్యూగా లైగర్ సినిమా చూపించాలి అంటూ మరికొందరు ఈ వీడియో పై కామెంట్లు చేస్తున్నారు. ఏది ఏమైనా విజయ్ దేవరకొండను బ్లాక్మెయిల్ చేయడం అంటేనే ఆయన పట్ల ఎంత అభిమానం ఉందో అర్థమవుతుంది.
