Chiranjeevi: మెగాస్టార్ చిరంజీవి ఎలాంటి సినీ నేపథ్యం లేని కుటుంబం నుంచి ఇండస్ట్రీలోకి అడుగు పెట్టే స్వయంగా తన సొంత టాలెంట్ తో ఇండస్ట్రీలో అవకాశాలు పొంది పలు సినిమాలలో నటిస్తూ వచ్చారు.ఈ విధంగా ఇండస్ట్రీలో చిరంజీవి అద్భుతమైన చిత్రాలలో నటించి మంచి విజయాలను అందుకున్న తరువాత నటుడు అల్లు రామలింగయ్య అతనిలో ఉన్న నటుడిని గుర్తించి తన కూతురునిచ్చి వివాహం చేయాలని భావించారు.
ఈ విధంగా చిరంజీవి అల్లు ఇంటికి అల్లుడు అయ్యారు.అయితే చాలామంది మెగాస్టార్ చిరంజీవి అల్లు రామలింగయ్య ఇంటికి అల్లుడు అయిన తర్వాత ఎదిగారని భావిస్తారు అయితే ఇది పూర్తిగా అవాస్తవం. చిరంజీవిలో దాగిఉన్న నటుడిని చూసి అల్లు రామలింగయ్య తన కూతురిని ఇవ్వడానికి ముందుకు వచ్చాడు కానీ తన కూతురిని ఇచ్చిన తర్వాత ఆయన స్టార్ హీరో కాలేదు. అలా అయితే అల్లు రామలింగయ్య ప్రోత్సాహంతో అల్లు అరవింద్ కూడా ఇండస్ట్రీలో హీరో గా ఎంట్రీ ఇచ్చేవారు.
అల్లు అరవింద్ కేవలం ప్రొడ్యూసర్ గా మాత్రమే ఇండస్ట్రీలో నిలదొక్కుకొన్నారు. ఎవరిలో దాగి ఉన్న ప్రతిభ ఆధారంగా వారికి అవకాశాలు వస్తాయి తప్ప ఇతరులు ప్రోత్సహించడం వల్ల అవకాశాలు రావు. మెగాస్టార్ చిరంజీవి కూడా అప్పట్లో సమాజానికి ఉపయోగపడే సినిమాలను ఎంపిక చేసుకొని తన అద్భుతమైన నటన శైలితో నటించడమే కాకుండా, ఇండస్ట్రీకి డాన్సులను కూడా పరిచయం చేస్తూ స్టార్ హీరోగా గెలుపొందారు.
ఒకానొక సమయంలో మెగాస్టార్ ఒక సంవత్సరంలో 14 సినిమాలు విడుదలయ్యాయి. ఈ 14 సినిమా అవకాశాలను అల్లు రామలింగయ్య ఇప్పించి ఉండరు కదా! అవన్నీ కూడా చిరంజీవి ప్రతిభ వల్లే వచ్చాయి.చిరంజీవి స్టార్ హీరో అయిన తర్వాత అల్లు అరవింద్ మద్దతు ఉండవచ్చు కానీ అల్లు రామలింగయ్య వల్ల చిరంజీవి మెగాస్టార్ అయ్యారు అనడం పూర్తిగా అవాస్తవం.
అది మెగాస్టార్ ప్రతిభ మాత్రమే…
ఒకవేళ అల్లు కుటుంబం మెగాస్టార్ చిరంజీవిని ఈ స్థాయికి తీసుకు వచ్చారు అంటే ప్రస్తుతం అల్లు కుటుంబంలో ఉన్నటువంటి శిరీష్ ను కూడా ఇండస్ట్రీలో హీరోగా నిలబెట్టవచ్చు. కానీ అలా కుదరలేదు. ఇండస్ట్రీలో కేవలం ప్రతిభ మాత్రమే ఉండాలని మెగాస్టార్ నిరూపించారు. ఇకపోతే మెగాస్టార్ ఇన్స్పిరేషన్ తీసుకొని అల్లు కుటుంబం నుంచి మెగా కుటుంబం నుంచి ఎంతో మంది హీరోలు ఇండస్ట్రీలోకి అడుగు పెట్టారు.
