Varun Sandesh-Rj Kajal: బిగ్ బాస్ షో అప్పటి వరకు కొంతమందికే తెలిసిన వారిని ఓవర్ నైట్ లో స్టార్లను చేస్తోంది. ఒక్కసారిగా బిగ్ బాస్ నుంచి అడుగు బయటకి పెట్టిన తర్వాత సెలబ్రెటీ హోదాను అనుభవిస్తున్నారు. వరసగా సినిమా ఆఫర్లు, టీవీ, రియాలిటీ షోల్లో అవకాశం వస్తోంది.
పలువురు సినిమాలో హీరోలుగా కూడా చేస్తున్నారు. తాజాగా బిగ్ బాస్ 5 సీజన్ విన్నర్ వీజే సన్నీ కూడా సిల్వర్ స్క్రీన్ పైకి ఎంట్రీ ఇస్తున్నాడు. ‘సకలగుణాభి రామ’ సినిమాలో హీరోగా నటిస్తున్నారు. తాజా ఈ సినిమా ట్రైలర్ రిలీజ్ ఈవెంట్ హైదరాబాద్ లో గ్రాండ్ గా జరిగింది.
ఈ ఈవెంట్కి శ్రీరామచంద్ర, వరుణ్తేజ్, సోహేల్, ఆనీ మాస్టర్, మానస్ సహా పలువురు బిగ్బాస్ కంటెస్టెంట్లు హాజరయ్యారు. మరో బిగ్ బాస్ కంటెస్టెంట్ బ్యూటీ కాజల్ హోస్ట్ గా వ్యవహరించింది. హీరో వరణ్ సందేశ్ మాట్లాడుతూ… సన్నీతో నాకు చాలా ఏళ్ల నుంచి పరిచయం ఉందని.. బిగ్ బాస్ తో అందరి మనసుల్ని గెలుచుకున్నాడని అన్నారు.
దీంతో కాజల్ పాప పప్పులో ..
సన్నీ నటించిన సకలగుణాభిరామ సినిమా యూనిట్ కు ఆల్ ది బెస్ట్ చెప్పారు. వరణ్ సందేశ్ మాట్లాడటం ముగించాక మైక్ అందుకున్న కాజల్.. మీ ‘ఇందువదన’ సినిమాకు కూడా ఆల్ దిబెస్ట్ అంటూ అంది. దీంతో వరణ్ సందేశ్ అందుకుని.. ఇందువదన రిలీజ్ అయిందని కాజల్ కి వరుణ్ సందేశ్ దిమ్మతిరిగే కౌంటర్ వేశారు. దీంతో కాజల్ పాప పప్పులో కాలేసినట్లు అయింది. దీంతో అక్కడ ఉన్నవాళ్లంతా తెగ నవ్వుకున్నారు.
