Byreddy Siddaarth Reddy: వైసీపీ యువనేత బైరెడ్డి సిద్ధార్థ రెడ్డి గురించి అందరికీ తెలిసిందే.ఏ విషయం గురించి మాట్లాడినా ఎంతో కచ్చితంగా మాట్లాడే సిద్ధార్థ రెడ్డికి యూత్ ఫ్యాన్ ఫాలోయింగ్ ఎక్కువగా ఉందని చెప్పవచ్చు. గత సార్వత్రిక ఎన్నికలలో భాగంగా కర్నూలు జిల్లా నందికొట్కూరు నియోజకవర్గంలో వైసీపీ ఎమ్మెల్యే కు తన సపోర్ట్ చేసి గెలుపొందినారు.
ఇక వైసిపి ఎమ్మెల్యేగా ఉన్న ఆర్థర్కు, బైరెడ్డి సిద్ధార్థ్ రెడ్డికి మధ్య పచ్చగడ్డి వేస్తే భగ్గుమంటోందని పెద్ద ఎత్తున వార్తలు వచ్చాయి.ఇకపోతే ఈ ఎన్నికలలో పార్టీ కోసం ఎంతో కష్టపడిన బైరెడ్డి సిద్ధార్థ రెడ్డిని ముఖ్యమంత్రి జగన్మోహన్ రెడ్డి గుర్తించి తన సొంత తమ్ముడి లాంటి వాడని తనకు ఉన్నతమైన పదవి బాధ్యతలు ఇస్తానని చెప్పారు.
ముఖ్యమంత్రి చెప్పిన విధంగానే బైరెడ్డి సిద్ధార్థ రెడ్డిని ఆంధ్రప్రదేశ్ స్పోర్ట్స్ అథారిటీ చైర్మన్గా నియమించారు. ఇలా స్పోర్ట్స్ అథారిటీ చైర్మన్ గా నియమించడంతో ఆయనకు మరింత క్రేజ్ దక్కింది. యూత్ ఫ్యాన్ ఫాలోయింగ్ ఎక్కువగా ఉన్న బైరెడ్డి సిద్ధార్థ రెడ్డి అన్ని కార్యక్రమాలలోను ఎంతో చలాకీగా పాల్గొంటారు.
ఫిదా అవుతున్న నెటిజన్లు…
ఇలా ఎప్పుడు రాజకీయాలలో ఎంతో చురుకుగా ఉండే బైరెడ్డి సిద్ధార్థ రెడ్డిలో మరో కోణం కూడా ఉందని చూపించారు.ఈ క్రమంలోనే మెగా పవర్ స్టార్ రామ్ చరణ్ తేజ్ నటించిన ఒక లైలా ఓ లైలా అనే పాటకు అచ్చం రామ్ చరణ్ తేజ్ ను తలపించేలా అద్భుతమైన డాన్స్ పర్ఫార్మెన్స్ చేశారు. ప్రస్తుతం ఈ వీడియో సోషల్ మీడియాలో వైరల్ గా మారింది. ఈ వీడియో చూసిన ఎంతో మంది నెటిజన్లు సిద్ధార్థ రెడ్డిలో ఈ యాంగిల్ కూడా ఉందా… సిద్ధార్థ రెడ్డి మల్టీ టాలెంటెడ్ అంటూ ఆయన డాన్స్ వీడియో ప్రశంసలు కురిపిస్తున్నారు.
