Hyderabad: ఇటీవల కాలంలో అమ్మాయిలను ,మహిళలను వేధించే ఘటనలు ఎక్కువగా చోటు చేసుకుంటున్నాయి. ఎంతోమంది బాధితులు ఈ సంఘటనల గురించి బయట చెప్పలేక పోలీస్ స్టేషన్లో ఫిర్యాదు చేయలేక ఎంతో ఇబ్బందులు పడుతున్నారు. తాజాగా ఇలాంటి ఘటన హైదరాబాద్లో ఒకటి చోటు చేసుకుంది. పోలీసులు తెలిపిన వివరాల మేరకు…
టోలిచౌకి సమతాకాలనీలో నివసించే ఓ వివాహిత (32) స్కూల్ ప్రిన్సిపల్ గా పనిచేస్తున్నారు. అయితే ఈమె భర్త గత కొన్ని సంవత్సరాలుగా దుబాయిలో పనిచేస్తూ ఉన్నారు. ఇలా తన భర్త దుబాయిలో ఉన్నప్పటికీ ఈమె ఇక్కడ తన పిల్లల బాధ్యతలను చూసుకుంటూ ఉన్నారు. అయితే ఒకసారి ఈ మహిళ స్కూల్ అడ్మిషన్ల కోసం ఇంస్టాగ్రామ్ లో ఒక పోస్ట్ చేశారు అయితే ఈమెపై మనసు పడ్డ ఓ యువకుడు షేక్‌ వసీం ఆమెకు అడ్మిషన్ కావాలి అంటూ మెసేజ్ చేస్తూ అలాగే ఫోన్ నెంబర్ సేకరించారు.
ఇలా ఆమె ఫోన్ నెంబర్ ఆ యువకుడికి దొరికినప్పటి నుంచి ఆమెను ఫోన్ చేస్తూ మానసికంగా ఎంతో వేధింపులకు గురి చేస్తూ వచ్చారు. ఆమె ఫోన్ నెంబర్ మార్చినా కూడా అక్కడ స్కూల్లో పనిచేసే ఇతరులతో తన పర్సనల్ ఫోన్ నెంబర్ తీసుకొని మరి వేధింపులకు గురి చేశారు. ఇక తను ఏడు నెలలుగా ఆ యువకుడు మహిళను వేధింపసాగాడు. దీంతో ఫోన్ నెంబర్లను కూడా బ్లాక్ చేసి పెట్టగా షేక్‌ వసీం మాత్రం రాపిడో డ్రైవర్లను పంపించి వారికి ఫోన్ చేసి ఆమెతో మాట్లాడించాలి అంటూ విసిగించేవారు.
ఇలా గత కొన్ని నెలలుగా చిత్రహింసలకు గురి చేస్తున్నప్పటికీ ఆ వివాహిత భరిస్తూనే వచ్చారు అయితే ఇటీవల షేక్‌ వసీం తనని బెదిరింపులకు గురి చేశారు. ఫోన్ లిఫ్ట్ చేసి మాట్లాడకపోతే నీ పిల్లలను కిడ్నాప్ చేస్తాను అంటూ మెసేజ్ రూపంలో బెదిరింపుసాగారు. దీంతో భయాందోళనలకు గురైన ఆ వివాహిత వెంటనే ఫిలింనగర్ పోలీసులను ఆశ్రయించి షేక్‌ వసీం తనని ఇబ్బందులకు గురి చేస్తున్న విషయాన్ని బయటపెట్టారు. దీంతో పోలీసులు కేసు నమోదు చేసుకొని దర్యాప్తు చేపడుతున్నారు.
Latest Videos :
