సాధారణంగా ప్రపంచంలోని దేశాల పేర్లు వాటి రాజధానులు కరెన్సీలు చెప్పమంటే టక టక ఒక నాలుగైదు దేశాల పేర్లను చెబుతాము. మహా అయితే ఓ పదో 20 దేశాల పేర్లును గుర్తు పెట్టుకుంటారు. కానీ దుబాయ్ లో నివసించే 10 సంవత్సరాల భారతీయ చిన్నారి ఏకంగా 195 దేశాల పేర్లు, వాటి రాజధానులు, కరెన్సీలను గడగడ చెబుతూ అందరిని ఆశ్చర్యానికి గురి చేసింది.
తల్లిదండ్రులతో పాటు దుబాయ్ లో నివసిస్తున్న పదేళ్ల చిన్నారి సారా చిపాకు సంబంధించిన ఒక కార్యక్రమం మే 2వ తేదీ సోషల్ మీడియాలో ప్రసారం అయింది. ఈ కార్యక్రమంలో భాగంగా సారా ఏమాత్రం గుక్క తిప్పకుండా 195 దేశాలు, వాటి రాజధానులు కరెన్సీ పేర్లను చెబుతూ అందరినీ ఎంతో ఆశ్చర్యానికి గురి చేసింది.
ఇప్పటివరకు ప్రపంచంలోని దేశాల పేర్లు రాజధానులు చెప్పిన వారి సంఖ్య చాలానే ఉంది. కానీ రాజధాని లతోపాటు కరెన్సీ పేర్లను చెప్పడం చాలా అరుదు. అయితే పదేళ్ల సారా ఈ విధంగా రాజధానులు కరెన్సీ లను చెప్పడంతో ప్రపంచ స్థాయి రికార్డును సొంతం చేసుకుంది. ఈ ప్రసారం చూసిన పలువురు చిన్నారి సారాపై ప్రశంసల వర్షం కురిపిస్తున్నారు.
నిజానికి సారా సొంత గ్రామం రాజస్థాన్ లోని బిల్వారా ప్రాంతం . అయితే తమ తల్లిదండ్రులు దుబాయ్ లో నివసించడంతో తల్లిదండ్రులతో పాటు సారా కూడా దుబాయ్ లోనే ఉన్నారు. ప్రస్తుతం ప్రపంచ స్థాయి రికార్డు సాధించిన ఈ చిన్నారి సారకు సంబంధించినటువంటి ఈ విషయం సోషల్ మీడియాలో వైరల్ గా మారి ఎంతో మంది భారతీయులు ప్రశంశలను అందుకుంటోంది.
