RRR Movie: ఆర్ఆర్ఆర్ సీక్వెల్ నిజమే… కానీ రాజమౌళి డైరెక్టర్ కాదు…మరి హీరోలు ఒప్పుకుంటారా?

0
36

RRR Movie: దర్శక ధీరుడు ఎస్ ఎస్ రాజమౌళి దర్శకత్వంలో ఎంతో ప్రతిష్టాత్మకంగా ప్రేక్షకుల ముందుకు వచ్చినటువంటి చిత్రం ఆర్ఆర్ఆర్.యంగ్ టైగర్ ఎన్టీఆర్ రామ్ చరణ్ హీరోలుగా తెరకెక్కిన ఈ సినిమా అంతర్జాతీయ స్థాయిలో ఎలాంటి ఆదరణ సంపాదించుకుందో మనకు తెలిసిందే. ఇలా ఈ సినిమా ద్వారా ఏకంగా ఆస్కార్ అవార్డును కూడా గెలుచుకోవడం విశేషం.

ఇకపోతే ఈ సినిమా విడుదలైన అనంతరం ఈ సినిమాకు తప్పకుండా సీక్వెల్ చిత్రం ఉంటుందని వెల్లడించారు. ఈ క్రమంలోనే రైటర్ విజయేంద్ర ప్రసాద్ సైతం ఈ సినిమా సీక్వెల్ ఉంటుందని పలు సందర్భాలలో తెలియజేశారు.తాజాగా ఒక ఇంటర్వ్యూలో పాల్గొన్న విజయేంద్రప్రసాద్ ఈ సినిమా సీక్వెల్ గురించి చేసినటువంటి కామెంట్స్ ప్రస్తుతం వైరల్ అవుతున్నాయి.

RRR Movie: రాజమౌళి డైరెక్టర్ కాదా…


ఈ సినిమా సీక్వెల్స్ తప్పకుండా ఉంటుంది కాకపోతే ఈ సినిమాకు రాజమౌళి దర్శకత్వం వహించకపోవచ్చు అంటూ సందేహాలు వ్యక్తం చేశారు.ఈయన దర్శక పర్యవేక్షణలో మరొక డైరెక్టర్ ఈ సినిమాని డైరెక్ట్ చేసే అవకాశాలు ఉన్నాయని తెలిపారు. రాజమౌళి మహేష్ బాబుతో సినిమా పూర్తి చేసిన తర్వాత తన డ్రీం ప్రాజెక్టు మహాభారతం సినిమా పనులలో బిజీ కానున్నారు దీంతో ఈ సినిమా సీక్వెల్ ఆయన డైరెక్షన్ లో చేసే అవకాశాలు ఉండకపోవచ్చు అంటూ విజయేంద్ర ప్రసాద్ చేసిన కామెంట్స్ వైరల్ అవుతున్నాయి. మరి రాజమౌళి కాకుండా వేరే వాళ్ళు డైరెక్ట్ చేస్తారంటే హీరోలు ఒప్పుకుంటారా అన్న సందేహాలు కూడా వ్యక్తం అవుతున్నాయి.