మూడు సంవత్సరాలుగా కాస్టింగ్ కౌచ్ సినిమా ఇండస్ట్రీని ఓ కుదుపు కుదిపేస్తోంది. సౌత్ టు నార్త్ అన్ని సినిమా ఇండస్ట్రీల్లోనూ ఈ కాస్టింగ్ కౌచ్ ఇప్పుడు ఓ జాడ్యం మాదిరిగా మారిపోయింది. 2018 లో మీటూ అంటూ ఈ ఉద్యమం దేశం మొత్తం షికార్లు కొట్టింది.
ఇప్పటికే చాలా మంది హీరోయిన్లు ధైర్యంగా బయటకు వచ్చి మరీ కాస్టింగ్ కౌచ్ గురించి చెపుతున్నారు. ఎవరు తమను ఇబ్బంది పెట్టారో చెబుతున్నారు. టాలీవుడ్ లో కూడా కొంతమంది నటీమణులు బయటకు వచ్చి చెప్పినప్పటికీ .. ప్రత్యేకంగా వాళ్లు ఎవరు అనేది బయట పెట్టలేదు. ఇదే విషయమై నటి శ్రీ రెడ్డి పెద్ద యుద్దమే చేసిన విషయం తెలిసిందే.
ఆ ఘటన తర్వాతే చాలామంది హీరోయిన్లు బయటకు వచ్చి తాము కూడా కాస్టింగ్ కౌచ్ కు గురైనట్లు చెప్పారు. ఈ విషయంలో కొంతమంది లొంగిపోవడంతో వేధింపులు ఎదురు కాలేదు అంటూ సెటైర్లు కూడా వేశారు. ఇదంతా ఇలా ఉండగా.. తాజాగా అలనాటి తార ఇంద్రజ సంచలన వ్యాఖ్యలు చేసింది. ఇక ఇదంతా కామన్ అని చెప్పిన ఇంద్రజ.. తాను ముక్కుసూటితనంతో వ్యవహరించడంతో పాటు ధైర్యంగా ఉండడంతో క్యాస్టింగ్ కౌచ్ నుంచి తప్పించుకోగలిగామని ఆమె తెలిపింది.
ప్రతీ రంగంలోనూ ఇలాంటిది ఉంటుందన్నారు. ఇది కామన్ అంటూ చెప్పుకొచ్చారు. ఒక ఆడపిల్ల ఇంటి నుంచి బయటకు వెళ్లినప్పుడు ఎక్కడకు వెళ్తున్నారు.. అక్కడ ఏమైనా ఇబ్బందులు ఉన్నాయా అనే విషయాలను గమనించి.. ఏదైనా సమస్య ఉంటే.. పరిష్కరించుకోవాలని సూచించారు.
