Tollywood Stars: సాధారణంగా మాతృభాషలో మంచి సక్సెస్ అందుకున్న తర్వాత ఇతర భాషలలో కూడా తమ సత్తా చాటుకోవాలని సినీ సెలబ్రిటీలు ఇతర భాష చిత్రాలలో కూడా నటిస్తూ ప్రేక్షకులను సందడి చేస్తుంటారు.ఈ క్రమంలోనే టాలీవుడ్ ఇండస్ట్రీలో ఎంతో మంచి గుర్తింపు సంపాదించుకున్న కొందరు సెలబ్రిటీలు బాలీవుడ్ ఇండస్ట్రీలో కూడా సినిమాలలో నటించారు.అయితే కొందరికి బాలీవుడ్ ఇండస్ట్రీలో పెద్దగా కలిసి రాకపోవడంతో తిరిగి టాలీవుడ్ ఇండస్ట్రీలోనే తమ కెరీర్ ను కొనసాగిస్తున్నారు.
ఈ విధంగా టాలీవుడ్ ఇండస్ట్రీలో హీరోలుగా మంచి గుర్తింపు సంపాదించుకున్నటువంటి కొందరు యంగ్ హీరోలు బాలీవుడ్ ఇండస్ట్రీలోకి అడుగు పెట్టారు. అయితే ఇలా బాలీవుడ్ ఎంట్రీ ఇచ్చినటువంటి ఈ హీరోలు వారి మొదటి సినిమాతోనే కోలుకోలేని దెబ్బ తిన్నారు. మరి ఆ హీరోలు ఎవరు అనే విషయానికి వస్తే..
తెలుగు చిత్ర పరిశ్రమలో రౌడీ హీరోగా ఎంతో పేరు ప్రఖ్యాతలు సంపాదించుకున్న విజయ్ దేవరకొండ మొదటిసారి లైగర్ అనే పాన్ ఇండియా చిత్రం ద్వారా ప్రేక్షకుల ముందుకు వచ్చారు. ఈ సినిమా భారీ డిజాస్టర్ ఎదుర్కొంది. అలాగే అక్కినేని వారసుడు యువసామ్రాట్ నాగచైతన్య అమీర్ ఖాన్ తో కలిసి లాల్ సింగ్ చద్దా సినిమా ద్వారా బాలీవుడ్ ఇండస్ట్రీలోకి అడుగుపెట్టారు ఈ సినిమా కూడా తీవ్ర నిరాశపరిచింది.
బాలీవుడ్ ఇండస్ట్రీలో దెబ్బతిన్న టాలీవుడ్ హీరోలు..
ఇక టాలీవుడ్ ఇండస్ట్రీలో హీరోగా ఎంతో పేరు ప్రఖ్యాతలు సంపాదించుకున్న మెగా పవర్ స్టార్ రామ్ చరణ్ తేజ్ బాలీవుడ్ ఇండస్ట్రీలో జంజీర్ సినిమా ద్వారా ప్రేక్షకుల ముందుకు వచ్చారు.ఈ సినిమా కూడా తీవ్ర నిరాశకు గురిచేసింది. నితిన్ హీరోగా అగ్యాత్ పేరుతో ఒక సినిమా హిందీలో విడుదలయ్యి నిరాశపరిచింది. అలాగే హీరో రానా దమ్ మారో దమ్ సినిమాతో హిందీలో ఎంట్రీ ఇవ్వగా ఈ సినిమా కూడా తీవ్ర నిరాశకు గురి చేసిందని చెప్పాలి.
