PMVBRY : దేశ యువతకు ఉపాధి అవకాశాలు కల్పించడం, వారికి ఆర్థిక భద్రత కల్పించడం లక్ష్యంగా ప్రధాని నరేంద్ర మోదీ ఒక నూతన ప్రణాళికను రూపొందించారు. ‘ప్రధానమంత్రి వికసిత్ భారత్ రోజ్గార్ యోజన’ పేరుతో అమలు చేయనున్న ఈ పథకానికి ఏకంగా రూ. 99,446 కోట్ల భారీ బడ్జెట్ను కేటాయించారు. 79వ స్వాతంత్ర్య దినోత్సవం సందర్భంగా ఎర్రకోట నుంచి జాతిని ఉద్దేశించి ప్రసంగించిన ప్రధాని ఈ పథకాన్ని ప్రకటించారు.
ఈ పథకం 2025 ఆగస్టు 1 నుండి అమలులోకి వచ్చింది. ఉపాధి అవకాశాలను పెంపొందించడం, కొత్తగా ఉద్యోగాల్లో చేరే వారికి ప్రోత్సాహం ఇవ్వడం దీని ప్రధాన ఉద్దేశ్యం. ఈ పథకం 2027 జూలై 31 వరకు రెండు సంవత్సరాల పాటు కొనసాగనుంది. ఈ కాలంలో 3.5 కోట్ల కంటే ఎక్కువ కొత్త ఉద్యోగాలను సృష్టించడం ప్రభుత్వ లక్ష్యంగా ఉంది.
పథకంలోని రెండు కీలక భాగాలు
ఈ పథకం రెండు ప్రధాన భాగాలను కలిగి ఉంది.
1. ఉద్యోగులకు ప్రోత్సాహం
ఈ పథకం కింద ఎంప్లాయీస్ ప్రావిడెంట్ ఫండ్ ఆర్గనైజేషన్ (EPFO)లో మొదటిసారిగా నమోదు చేసుకున్న ఉద్యోగులకు ప్రభుత్వం నెలకు రూ. 15,000 వరకు నగదు ప్రోత్సాహకాన్ని అందిస్తుంది. అయితే, నెలకు రూ. 1 లక్ష వరకు జీతం ఉన్నవారు మాత్రమే దీనికి అర్హులు. ఈ ప్రోత్సాహకం రెండు విడతల్లో లభిస్తుంది:
- మొదటి విడత: ఆరు నెలల సేవ తర్వాత.
- రెండో విడత: ఒక సంవత్సరం పూర్తి చేసి ఆర్థిక అక్షరాస్యత కోర్సును పూర్తిచేసిన తర్వాత.
యువతలో పొదుపు అలవాటును పెంపొందించడానికి ఈ మొత్తంలో కొంత భాగం వారి పొదుపు ఖాతాలో నిల్వ చేయబడుతుంది.
The Pradhan Mantri Viksit Bharat Rozgar Yojana is reshaping India’s employment landscape. Nationwide awareness programmes are directly engaging with employees and employers to highlight the scheme’s benefits and opportunities.#MoLE #LabourMinistryIndia pic.twitter.com/1MKxKvWMgp
— Ministry of Labour & Employment, GoI (@LabourMinistry) August 14, 2025
2. యజమానులకు ప్రోత్సాహం
కొత్త ఉద్యోగులను నియమించుకునే సంస్థలకు కూడా ఈ పథకం కింద ప్రోత్సాహకాలు లభిస్తాయి. ప్రభుత్వం ప్రతి కొత్త ఉద్యోగికి నెలకు రూ. 3,000 వరకు సబ్సిడీ ఇస్తుంది. ఈ భాగం ప్రధానంగా తయారీ రంగంలో ఉద్యోగ కల్పనను ప్రోత్సహించడం లక్ష్యంగా పెట్టుకుంది.
- తయారీ రంగం: ఈ సాయం నాలుగేళ్ల పాటు లభిస్తుంది.
- ఇతర రంగాలు: ఈ సాయం రెండేళ్ల పాటు లభిస్తుంది.
EPFOలో నమోదు చేసుకున్న సంస్థలు తప్పనిసరిగా కనీసం ఆరు నెలల పాటు అదనపు ఉద్యోగులను నియమించుకోవాలి. సంస్థలో 50 మంది కంటే తక్కువ సిబ్బంది ఉంటే కనీసం ఇద్దరిని, 50 మందికి పైగా సిబ్బంది ఉంటే కనీసం ఐదుగురిని నియమించుకోవాలి.
I have good news for the youth. Today, on 15 August, we are implementing a scheme of 1 lakh crore.
— BJP (@BJP4India) August 15, 2025
From today, the Pradhanmantri Viksit Bharat Rozgar Yojana is being implemented.
Under this scheme, youth getting their first job in the private sector will be given fifteen… pic.twitter.com/xVkV0TdIgJ
పథకం లక్ష్యాలు మరియు ప్రభావం
ప్రధానమంత్రి వికసిత్ భారత్ రోజ్గార్ యోజన ద్వారా యువతకు ఆర్థిక భద్రత కల్పించడమే కాకుండా, కంపెనీలు కూడా కొత్త ఉద్యోగాలను సృష్టించడానికి ప్రోత్సహించబడతాయి. దీనివల్ల దేశంలో నిరుద్యోగ సమస్య గణనీయంగా తగ్గుతుందని ప్రభుత్వం ఆశాభావం వ్యక్తం చేస్తోంది. ఈ పథకం భారత ఆర్థిక వ్యవస్థకు ఊతమివ్వడమే కాకుండా, యువత భవిష్యత్తుకు బలమైన పునాది వేస్తుంది.
