Sr. NTR: తెలుగు చిత్ర పరిశ్రమలో ఇప్పటికీ అప్పటికి ఎంతోమంది కమెడియన్లు ఉన్నారనే సంగతి మనకు తెలిసిందే.ఇలా సీనియర్ కమెడియన్లలో ఎంతో పేరు ప్రఖ్యాతలు సంపాదించుకున్న కమెడియన్ రమణారెడ్డి గురించి ఈ తరం వారికి తెలియకపోయినా నిన్నటి తరం వారికి ఈయన ఎంతో సుపరిచితం.
ఎన్టీఆర్ ఏఎన్నార్ ఎస్వీఆర్ వంటి ఎంతోమంది హీరోల సినిమాలలో కమెడియన్ గా నటిస్తూ తన హావభావాలతో ప్రేక్షకులను ఇట్టే ఆకట్టుకున్నటువంటి రమణారెడ్డి ఎన్నో సినిమాలలో నటించినప్పటికీ ఈయన రెమ్యూనరేషన్ మాత్రం చాలా తక్కువగా తీసుకునేవారట. ఇలా తక్కువ రెమ్యూనరేషన్ తీసుకోవడానికి ఓ కారణం ఉంది.
ఈయన ఎక్కువ రెమ్యూనరేషన్ డిమాండ్ చేస్తే తనకు అవకాశాలు రావేమోనన్న భయంతో తక్కువ రెమ్యూనరేషన్ తీసుకుని ఇండస్ట్రీలో కొనసాగుతూ ఉండేవారు.అయితే ఈయన పెద్దగా ఆడంబరాలకు పోకుండా ఉన్నదానిలోనే ఎంతో సంతృప్తికరమైన జీవితాన్ని అనుభవించేవారు. ఇకపోతే రమణారెడ్డితో ఎన్టీఆర్ కి అయినటువంటి పరిచయం ఆయన జీవితాన్నే మార్చేసిందని చెప్పాలి.
Sr. NTR: ఎన్టీఆర్ తో పరిచయం పెరిగిన రెమ్యూనరేషన్…
ఎన్టీఆర్ రమణారెడ్డి కాంబినేషన్లో వచ్చిన సినిమాలన్నీ మంచి సక్సెస్ కావడంతో వీరిద్దరికీ మంచి స్నేహం ఏర్పడింది.ఈ క్రమంలోనే ఉదయం లొకేషన్ లోకి వచ్చినప్పటి నుంచి ఏ మాత్రం విరామం దొరికిన వీరిద్దరూ ముచ్చట్లు పెట్టుకునేవారు. ఎన్టీఆర్ తో పరిచయం ఏర్పడిన తర్వాత రమణారెడ్డి రెమ్యూనరేషన్ కూడా అమాంతం పెరిగిపోయింది.ఇలా ఎన్టీఆర్ ప్రోత్సాహంతోనే ఈయన ఏకంగా మద్రాస్ లో ఇంటిని కూడా నిర్మించి ఆర్థికంగా స్థిరపడ్డారు. ఇక రమణారెడ్డి ఎక్కువగా కాఫీలు టీలు తాగకుండా కేవలం పొగాకు మాత్రమే పీల్చే వారు. ఇలా ఇండస్ట్రీలో ఈయనకు పొగాకు పీల్చే కమెడియన్ అనే పేరు కూడా ఉంది. మొత్తానికి ఎన్టీఆర్ తో ఏర్పడినటువంటి పరిచయం వల్ల కమెడియన్ రమణారెడ్డి సుడి తిరిగి పోయిందని చెప్పాలి.
