Piyush Mishra: ప్రస్తుత కాలంలో అన్ని రంగాలలోనూ మహిళల అభివృద్ధి ఎంతగానో ఉంది ప్రతి ఒక్క రంగంలోనూ పురుషులకు పోటీగా మహిళలు నిలబడుతున్నారు. ఈ క్రమంలోనే లైంగిక వేధింపుల విషయంలో కూడా ఎన్నో ఇబ్బందులని ఎదుర్కొంటున్న విషయం మనకు తెలిసిందే. అయితే ఇలాంటి వేధింపులు కేవలం మహిళలు మాత్రమే కాదని పురుషులు కూడా లైంగిక వేధింపులను ఎదుర్కొంటున్నారని ఈ మధ్యకాలంలో కొందరు నటులు ఈ విషయం గురించి బహిరంగంగా తెలియజేశారు.
గత కొద్ది రోజుల క్రితం బాలీవుడ్ ఇండస్ట్రీకి చెందినటువంటి నటులు తాము కూడా ఇండస్ట్రీలో క్యాస్టింగ్ ఇబ్బందులను ఎదుర్కొన్నామంటూ సంచలన వ్యాఖ్యలు చేశారు. ఈ క్రమంలోనే తాజాగా మరో నటుడు పీయూష్ మిశ్రా సైతం తాను కూడా లైంగిక వేధింపులకు గురయ్యానంటూ సంచలన వ్యాఖ్యలు చేశారు.బాలీవుడ్ ఇండస్ట్రీలో పలు సినిమాలలో నటుడుగా నటించిన ఈయన తెలుగులో సూపర్ సినిమాలో విలన్ పాత్రలో నటించారు.
ఈ క్రమంలోనే ఈయన తుమ్హారీ అక్కత్ క్యా హై పీయూష్ మిశ్రా ఆటో బయోగ్రఫీ పుస్తకంలో తాను ఏడవ తరగతిలో ఉన్నప్పుడే ఒక అమ్మాయి వల్ల లైంగిక వేధింపులకు గురయ్యానంటూ ఈ విషయాన్ని తెలియజేశారు.అయితే తను ఎవరు అనే విషయాన్ని మాత్రం ఈయన వెల్లడించలేదు ఎందుకంటే ఇండస్ట్రీలో ప్రస్తుతం వాళ్లు స్టార్ సెలబ్రిటీలుగా కొనసాగుతున్నారని, తాను ఎవరిపై ప్రతీకారం తీర్చుకోవాలి అనుకోలేదు అంటూ ఈయన కామెంట్లు చేశారు.
Piyush Mishra: మాయని మచ్చగా మిగిలిపోతుంది..
ఇక ఈ విషయం గురించి మీడియా సమావేశంలో పీయూష్ మాట్లాడుతూ… శృంగారం అనేది ఒక ఆరోగ్యకరమైన అంశం. మొదటిసారి అనుభవం ఎంతో ఆరోగ్యకరంగా ఆనందంగా ఉండాలి లేదంటే అది మీ జీవితంలో మాయని మచ్చగా మిగిలిపోతుంది అంటూ ఈయన చేసినటువంటి ఈ కామెంట్స్ ప్రస్తుతం వైరల్ అవుతున్నాయి.
