దేశంలో కరోనా కేసులు పెరుగుతున్న నేపథ్యంలో, ఆరోగ్య శాఖ అప్రమత్తమైంది. గత కొన్ని రోజులుగా దేశంలో కరోనా కేసులు పెరుగుతున్నాయి. ప్రస్తుతం దేశంలో 7 వేలకు పైగా కరోనా కేసులు నమోదయ్యాయి. ఈ నేపథ్యంలో, ప్రధాని నరేంద్ర మోదీతో సమావేశమయ్యే మంత్రులు, ప్రభుత్వ అధికారులు, ఇతర ఉన్నతాధికారులు తప్పనిసరిగా ఆర్టీపీసీఆర్ పరీక్ష చేయించుకోవాలని ప్రధానమంత్రి కార్యాలయం (పీఎంఓ) ఆదేశించింది.
కరోనా వ్యాప్తిని నివారించడానికి ఈ నిర్ణయం తీసుకున్నట్లు తెలుస్తోంది. ఆర్టీపీసీఆర్ పరీక్షలో నెగెటివ్ వచ్చిన వారికే ప్రధానితో సమావేశమయ్యేందుకు అనుమతి ఉంటుంది. ఈ మేరకు అధికారులు ఏర్పాట్లు చేస్తున్నారు.
ఈ నిర్ణయం వల్ల ప్రధాని కార్యాలయంలో పనిచేసే సిబ్బందితో పాటు, ప్రధానిని కలిసేందుకు వచ్చే వారి ఆరోగ్య భద్రత కూడా కట్టుదిట్టంగా ఉంటుందని భావిస్తున్నారు.
