ప్రతి ఏడాది ఆగస్టు 15న మనం ఎంతో ఉత్సాహంగా జరుపుకునే స్వాతంత్య్ర దినోత్సవం మన దేశ చరిత్రలో అత్యంత ముఖ్యమైన రోజు. 1947లో బ్రిటిష్ పాలన నుంచి విముక్తి పొందిన నాటి నుండి ఈ వేడుకలను ఘనంగా నిర్వహిస్తున్నాం. ఈసారి, 2025లో, దేశం 79వ స్వాతంత్య్ర దినోత్సవం జరుపుకోనుంది. ఈ ఏడాది వేడుకలు శుక్రవారం రావడం విశేషం.
దేశవ్యాప్తంగా అన్ని ప్రభుత్వ, ప్రైవేట్ సంస్థలు, పాఠశాలలు, కళాశాలల్లో జాతీయ పతాకాన్ని ఎగురవేసి, సాంస్కృతిక కార్యక్రమాలతో దేశభక్తిని చాటుకుంటారు. అయితే, ఢిల్లీలోని చారిత్రాత్మక ఎర్రకోట (Red Fort) వద్ద జరిగే వేడుకలకు ప్రత్యేకమైన ప్రాముఖ్యత ఉంది. ఈ కార్యక్రమంలో ప్రధానమంత్రి స్వయంగా జాతీయ పతాకాన్ని ఆవిష్కరించి, దేశ ప్రజలను ఉద్దేశించి ప్రసంగిస్తారు.
ఎర్రకోట వేడుకలకు టికెట్ బుకింగ్ వివరాలు
ఎర్రకోట వేడుకలకు హాజరయ్యే అవకాశం అందరికీ దక్కదు, కానీ మీరు ముందుగానే ప్రణాళిక వేసుకుంటే ఆన్లైన్ లేదా ఆఫ్లైన్ ద్వారా టికెట్లు బుక్ చేసుకోవచ్చు.
ఆన్లైన్ టికెట్ బుకింగ్ విధానం
- బుకింగ్ ప్రారంభం: 2025 ఆగస్టు 13 నుండి
- వెబ్సైట్లు: aamantran.mod.gov.in మరియు e-invitations.mod.gov.in
బుకింగ్ ప్రక్రియ:
- అధికారిక వెబ్సైట్ను ఓపెన్ చేయండి.
- “Independence Day 2025 Ticket Booking” అనే ఆప్షన్ను ఎంచుకోండి.
- మీ పేరు, మొబైల్ నంబర్ మరియు కావలసిన టికెట్ల సంఖ్యను నమోదు చేయండి.
- ఆధార్, ఓటరు ఐడీ లేదా పాస్పోర్ట్ వంటి చెల్లుబాటు అయ్యే ఐడీ ప్రూఫ్ను అప్లోడ్ చేయండి.
- మీకు నచ్చిన టికెట్ కేటగిరీని ఎంచుకోండి:
- రూ. 20 – జనరల్
- రూ. 100 – స్టాండర్డ్
- రూ. 500 – ప్రీమియం
- డెబిట్/క్రెడిట్ కార్డ్ లేదా యూపీఐ ద్వారా చెల్లింపు పూర్తి చేయండి.
- చెల్లింపు పూర్తయ్యాక, మీ క్యూఆర్ కోడ్తో కూడిన ఇ-టికెట్ డౌన్లోడ్ చేసుకోండి. ఈ టికెట్ను ఈవెంట్ రోజున మొబైల్ లో లేదా ప్రింటవుట్ రూపంలో చూపించాలి.
ఆఫ్లైన్ టికెట్ బుకింగ్
- తేదీలు: 2025 ఆగస్టు 10 నుంచి 12 వరకు
- స్థానాలు: ఢిల్లీలోని ఎంపిక చేసిన ప్రభుత్వ కార్యాలయాలు, ప్రత్యేక టికెట్ కౌంటర్లు.
- ప్రాసెస్: చెల్లుబాటు అయ్యే ఫోటో ఐడీ తీసుకుని, క్యాష్ లేదా డిజిటల్ పేమెంట్ ద్వారా టికెట్ కొనుగోలు చేయవచ్చు. ధరలు ఆన్లైన్ బుకింగ్ల మాదిరిగానే ఉంటాయి.
ఈవెంట్ రోజున గుర్తుంచుకోవాల్సిన మార్గదర్శకాలు
- కార్యక్రమ సమయం: ఉదయం 7:30 AMకు ప్రారంభమవుతుంది.
- ప్రవేశ సమయం: ఉదయం 6:30 AM నుంచి 7:00 AM మధ్య మాత్రమే.
- ఢిల్లీ మెట్రో సేవలు: ఉదయం 4:00 AM నుంచే ప్రత్యేకంగా ప్రారంభమవుతాయి.
- సమీప మెట్రో స్టేషన్లు: లాల్ ఖిలా (వైలెట్ లైన్), చాందినీ చౌక్ (ఎల్లో లైన్).
- సెక్యూరిటీ చెకింగ్: ఐడీ ప్రూఫ్ మరియు టికెట్ తప్పనిసరిగా చూపించాలి.
- అనుమతించని వస్తువులు: భద్రతా కారణాల వల్ల బ్యాగులు, ఆహార పదార్థాలు, పెద్ద కెమెరాలు వంటి వస్తువులను లోపలికి తీసుకెళ్లడం నిషేధించారు.
మీరు నిజంగా ఎర్రకోట వేడుకలో పాల్గొనాలనుకుంటే, టికెట్లు విడుదలైన వెంటనే బుక్ చేసుకోవడం మంచిది, ఎందుకంటే ప్రీమియం సీట్లు త్వరగా అయిపోతాయి.
