Heroine Laya : తెలుగుమ్మాయిలు తెలుగు ఇండస్ట్రీలో నిలదొక్కుకోవడం కష్టం అనే ఒక టాక్ ఇండస్ట్రీలో ఉంది. తెలుగు అమ్మాయిలకు అవకాశాలు ఇవ్వరు అనే టాక్ ఉన్నా ఈ తెలుగు అమ్మాయి మాత్రం హీరోయిన్ గా మంచి సక్సెస్ చూసి కెరీర్ లో ఎలాంటి రిమార్క్స్ లేకుండా పెళ్లి చేసుకుని సెటిల్ అయింది. ఆ అమ్మాయి మరెవరో కాదు ‘స్వయంవరం’ సినిమాతో ఇండస్ట్రీలోకి హీరోయిన్ గా తొలి అవకాశంతోనే మంచి గుర్తింపు తెచ్చుకున్న లయ. స్వయంవరం, ప్రేమించు అంటూ వరుస హిట్లందుకుంది. అలాగే నంది పురస్కారాలను కూడా అందుకుంది. తన నటనతో ఆందరినీ ఆకట్టుకున్న లయ కెరీర్ బాగా ఉన్న సమయంలోనే పెళ్లి చేసుకుని అమెరికాలో సెటిల్ అయ్యారు. ఆ తరువాత కుటుంబ బాధ్యలకు దగ్గరైన లయ సినిమాలకు దూరమైయ్యారు. ప్రస్తుతం సెకండ్ ఇన్నింగ్స్ మొదలు పెట్టాలనుకుంటున్న లయ ఒకవైపు సోషల్ మీడియాతో అభిమానులకు టచ్ లో ఉంటూనే మరోవైపు సినిమాలను చేయాలని అనుకుంటున్నారు. తాజాగా ఒక యూట్యూబ్ ఛానెల్ కి ఇచ్చిన ఇంటర్వ్యూలో పాల్గొన్న లయ తన ఫ్యామిలీ గురించి వ్యక్తిగత విషయాలను పంచుకున్నారు.
ఎన్ని వేల కోట్ల ఆస్తులు ఉన్నాయంటే… టాటా మానవరాలిని…
లయ రీసెంట్ గా పలు యూట్యూబ్ ఛానెల్స్ కి ఇంటర్వ్యూలు ఇస్తూ తన వ్యక్తిగత అలానే కెరీర్ కి సంబంధించిన విశేషాలను పంచుకుంటున్నారు. అలా తన ఆస్తుల గురించిన ప్రశ్న ఎదురైనపుడు తాను ముకేష్ అంబానీ చెల్లిని అంటూ సరదాగా చెప్పారు. నాకు సొంత విమానం ఉందని, వేల కోట్ల ఆస్తులు ఉన్నాయని ఏవేవో అనుకుంటారు కానీ అలాంటిదేమీ లేదు. నా భర్త డాక్టర్ కావడం వల్ల తనకు మూడు హాస్పిటల్స్ ఉండటం, అలా కొంత బాగానే ఉన్నా. కానీ మరీ ఓన్ ఫ్లైట్, టాటా మానవరాలిని అనేంత రేంజ్ కాదు అంటూ చెప్పారు.
ఇక సోషల్ మీడియాలో వచ్చిన గాసిప్ గురించి మాట్లాడుతూ చిరంజీవి గారు నేను ఆర్థిక కష్టాల్లో ఉంటే సాయం చేసారనే వార్తలు రాసారు. కానీ నాకెప్పుడూ అలాంటి అవసరం రాలేదు. మా నాన్న వైద్యులు, ఆర్థికంగా బాగానే ఉన్నాను, ఓకే కూతురుని నచ్చింది చేయమన్నారు. అలా సినిమాల్లోకి వచ్చాను. ఏ రోజూ రెమ్యూనరేషన్ విషయంలో కూడా ఆలోచించలేదు. ఎంతో మంది నాకు రెమ్యూనరేషన్ ఎగొట్టారు కానీ వదిలేసాను అంటూ తెలిపారు.