Pushpa 2: మామూలుగా సినిమాలలో కొందరు హీరో హీరోయిన్లు అలా హఠాత్తుగా కనిపించడం అన్నది కామన్. అలా కామెయోలకు ఎప్పటికీ మంచి డిమాండ్ ఉంటుంది. అలాంటి సర్ప్రైజ్ ల గురించి విడుదలకు ముందు విడుదల తర్వాత ప్రేక్షకులు మాట్లాడుకుంటూ ఉంటారు. అంతే కాకుండా ఆ సర్ప్రైజ్లతో సినిమా మరొక లెవల్ కి వెళుతుంది అని చెప్పడంలో ఎలాంటి సందేహం లేదు. అందుకే దర్శక,నిర్మాతలు అప్పుడప్పుడూ తమ సినిమాల్లో అలాంటివి ప్లాన్ చేస్తూంటారు. అయితే ఇప్పుడు పుష్ప 2 చిత్రంలో ఒక సర్పైజ్ ఎలిమెంట్ చోటు చేసుకోనుందట.

ఒక టాలీవుడ్ స్టార్ హీరోయిన్ కామెయోని ప్లాన్ చేస్తున్నారట. ఆ సన్నివేశానికి థియేటర్ లో ఒక రేంజ్ లో రెస్పాన్స్ వస్తుందని భావిస్తున్నారు. ఆ స్టార్ హీరోయిన్ మరెవరో కాదు సమంత. ఈ చిత్రంలో వచ్చే స్పెషల్ సాంగ్ లో సమంత కొద్ది క్షణాలు పాటు అలా కామెయోగా కనపడి దుమ్ము రేపనుందట. ఆమె స్టైల్ స్టెప్స్ వేసి సాంగ్ లోకి ఎంట్రీ ఇస్తుందని, మిగతా సాంగ్ ని శ్రీలీల కంటిన్యూ చేస్తుందని వార్తలు జోరుగా వినిపిస్తున్నాయి. సమంతను సుకుమార్ లక్కీ ఛామ్ గా భావించి కామియోగా కనపడమని రిక్వెస్ట్ చేసినట్లు తెలుస్తోంది.

ఐటమ్ సాంగ్ లో..

అందుకు సమంత సైతం వెంటనే ఒకే చెప్పి చెప్పినట్లు టాక్. అయితే తాజాగా సమంత షూటింగ్ లో కూడా పాల్గొన్నట్లు తెలుస్తోంది. ఒకవేళ ఇదే కనుక నిజమైతే ఈసారి కూడా ఐటెం సాంగ్ వేరే లెవెల్ లో ఉంటుంది అని చెప్పడంలో ఎలాంటి సందేహం లేదు. కాగా పుష్ప 2 పై ఉన్న అంచనాలు రోజురోజుకి పెరుగుతూనే ఉన్నాయి. ఇప్పటికే పూర్తి శాతం షూటింగ్ పూర్తి చేసుకున్న ఈ సినిమా కేవలం ఐటమ్ సాంగ్ మాత్రమే పెండింగ్ ఉంది. దానిని కూడా వీలైనంత తొందరగా పూర్తి చేసి ఈ సినిమా ప్రమోషన్స్ కార్యక్రమాలను మొదలు పెట్టాలని భావిస్తున్నారట మూవీ మేకర్స్.

Sreeleela: టాలీవుడ్ హీరోయిన్స్ శ్రీలీల గురించి ప్రత్యేకంగా చెప్పాల్సిన పనిలేదు. పెళ్లి సందడి సినిమాతో తెలుగు సినిమా ఇండస్ట్రీకి హీరోయిన్ గా ఎంట్రీ ఇచ్చిన ఈ ముద్దుగుమ్మ ఆ తర్వాత అవకాశాలను అందుకుంటూ దూసుకుపోతోంది. మొదటి సినిమాతోనే సెన్సేషన్ ను సృష్టించింది. రెండవ సినిమాతో ఏకంగా టాలీవుడ్ స్టార్ హీరో రవితేజ సరసన నటించే అవకాశాన్ని సొంతం చేసుకుంది. అయితే ఆ తర్వాత చాలా అవకాశాలు అందుకొని నటించినప్పటికీ వరుసగా ఫ్లాపులు ఎదురు కావడంతో ఈ ముద్దుగుమ్మకు అవకాశాలు తగ్గిపోయాయి.

తాజాగా గ్లామర్ డోస్ పెంచేసింది హీరోయిన్ శ్రీలీల. ఈ క్రమంలో ఆమెకు పుష్ప 2 సినిమాలో స్పెషల్ సాంగ్ ఆఫర్ వచ్చిందని టాక్. గుంటూరు కారంలో మహేష్ తో పోటీగా ఆమె వేసిన స్టెప్స్ కు ఫిదా అయిన టీమ్ ఈ నిర్ణయానికి వచ్చారని సమాచారం. ప్రస్తుతం ఇదే వార్త సోషల్ మీడియాలో హాట్ టాపిక్ కావడంతో కొందరు గతంలో శ్రీలీల ఐటమ్ సాంగ్ విషయంలో చేసిన కామెంట్స్ కి సంబంధించిన వీడియోని వైరల్ చేస్తున్నారు. బాలయ్య బాబు హీరోగా నటించిన భగత్ సింగ్ కేసరి ప్రమోషన్ టైమ్ లో ఆమె మాట్లాడుతూ.. స్పెషల్ సాంగ్ మీకు ఆఫర్ చేస్తే చేస్తారా అని మీడియా అడిగిన ప్రశ్నకు శ్రీలీల సమాధానం ఇస్తూ..

అభిమానులు ఇష్టపడరు..

స్పెషల్ సాంగ్ వంటివి చేయాలనుకోవడం లేదు అని తెలిపారు. విజ్జిపాప లాంటి పాత్రల్లో తాను తెరపై కనిపిస్తూ స్పెషల్ సాంగ్స్ చేస్తే బాగుండదని తెలిపింది శ్రీ లీలా. అభిమానులు నన్ను అలా చూడటానికి ఇష్టపడరు అన్నట్లు చెప్పుకొచ్చింది. సుకుమార్‌ సినిమా అంటే స్పెషల్‌ సాంగ్స్‌కు ప్రత్యేక ఆకర్షణ ఉంటుంది. ఇప్పటివరకూ ఆయన తెరకెక్కించిన సాంగ్స్ అన్నీ కూడా సూపర్ హిట్ గా నిలిచాయి. అదేవిధంగా ఇప్పుడు పుష్ప ది రూల్ లో కూడా అదే స్థాయిలో ఒక సాంగ్ ఉంటుందని ప్రకటించిన విషయం తెలిసిందే. ఈ ఐటమ్ సాంగ్ కోసం మూవీ మేకర్స్ శ్రీలీల సంప్రదించినట్టు గత కొద్ది రోజులుగా వార్తలు వినిపిస్తున్నాయి. దాంతో గతంలో శ్రీలీల ఐటమ్ సాంగ్లు వంటివి చేయను అన్న వీడియోని వైరల్ చేస్తూ ఆమెకు ఆ విషయాన్ని మరోసారి గుర్తు చేస్తున్నారు.

Surya Daughter: తమిళ స్టార్ హీరో సూర్య గురించి మనందరికీ తెలిసిందే. ఆయన భార్య జ్యోతిక గురించి ప్రత్యేకంగా చెప్పాల్సిన పనిలేదు. ఈ దంపతులు ప్రస్తుతం ఎవరికి వారు కెరియర్ పరంగా ఫుల్ బిజీబిజీగా గడుపుతున్నారు. ఇకపోతే హీరో సూర్య ప్రస్తుతం కంగువ మూవీలో నటిస్తున్న విషయం తెలిసిందే. త్వరలోనే ఈ సినిమాతో ప్రేక్షకులను పలకరించడానికి సిద్ధమవుతున్నాడు సూర్య. సిరుత్తై శివ దర్శకత్వంలో తెరకెక్కుతోన్న ఈ సినిమా పై ఇప్పటికే భారీ అంచనాలు నెలకొన్నాయి. ఈ సినిమాలో సూర్యతో పాటు దిశా పఠానీ,బాబీ డియోల్ ప్రధాన పాత్రల్లో నటిస్తున్న విషయం తెలిసిందే.

ఈ సినిమాను ప్రముఖ నిర్మాణ సంస్థలు స్టూడియో గ్రీన్, యువి క్రియేషన్ నిర్మిస్తున్నాయి. 10కి పైగా భాషల్లో, 3500కి పైగా థియేటర్లలో విడుదల కానుంది కంగువ. నవంబర్ 14న కర్ణాటక, కేరళ, తెలంగాణ, ఆంధ్రప్రదేశ్ రాష్ట్రాల్లో తెల్లవారుజామున 4 గంటలకు చిత్రాన్ని విడుదల చేయనున్నట్టు అధికారిక ప్రకటన కూడా విడుదల చేశారు మేకర్స్. ఇకపోతే సూర్య జ్యోతిక లది ప్రేమ పెళ్లి అన్న విషయం తెలిసిందే. సూర్య,జ్యోతికకు ఒక కుమారుడు, ఒక కూతురు ఉన్నారు. సూర్య, జ్యోతికల కూతురు, కొడుకుల ఫోటోలు ప్రస్తుతం సోషల్ మీడియాలో వైరల్ అవుతున్నాయి.

ఫోటోస్ వైరల్..

సూర్య, జ్యోతికల కూతురు పేరు దియా, కొడుకు వేరు దేవ్. ఇటీవలే ఈ చిన్నారి ఇంటర్ లో టాప్ మర్క్స్ సాధించింది. ఇది ఇలా ఉంటే తాజాగా సోషల్ మీడియాలో దియా ఫోటోలు వైరల్ అవుతున్నాయి. దీపావళి సందర్భంగా సూర్య ఫ్యామిలి ఫోటోలు సోషల్ మీడియాలో షేర్ చేశారు. ఈ ఫొటోల్లో సూర్య కూతురు దియా హైలైట్ గా నిలిచింది. తల్లిని మించిన అందంతో దియా అందరి దృష్టిని ఆకర్షించింది. ఆ ఫోటోలను చూసిన అభిమానులు సూర్య జ్యోతికల కూతురు అందంలో తల్లి జ్యోతికను మించిపోయింది అంటూ కామెంట్లు చేస్తున్నారు. చాలా అందంగా ఉంది అంటూ కామెంట్లు చేస్తున్నారు.