Sobhita: సినీ నటుడు నాగచైతన్య త్వరలోనే నటి శోభితతో ఏడడుగులు నడవబోతున్నారు. సమంతకు విడాకులు ఇచ్చిన తర్వాత నాగచైతన్య శోభిత ప్రేమలో పడ్డారు. ఇక వీరిద్దరు తమ ప్రేమ విషయాన్ని రహస్యంగా ఉంచుతూ ఈ ఏడాది ఆగస్టు నెలలో నిశ్చితార్థం చేసుకున్నారు. ఇలా నిశ్చితార్థం అనంతరం వీరికి సంబంధించి ఎన్నో రకాల వార్తలు సోషల్ మీడియాలో వైరల్ అవుతున్నాయి.

ఇక వీరి వివాహం డిసెంబర్ 4వ తేదీ అన్నపూర్ణ స్టూడియోలో జరగబోతుందని తెలుస్తుంది. ఇప్పటికే పెళ్లికి సంబంధించిన ఏర్పాట్లు కూడా జరుగుతున్నట్టు సమాచారం. ఇదిలా ఉందిగా తాజాగా శోభితకు సంబంధించి ఓ వార్త సోషల్ మీడియాలో వైరల్ గా మారింది. శోభిత తెలుగు అమ్మాయి కావడంతో ఈమె ఎక్కువగా మన తెలుగు వంటకాలనీ ఇష్టపడతారని తెలుస్తోంది.

ముఖ్యంగా శోభితకు పునుగులు అంటే చాలా ఇష్టమట అలాగే చిన్న చిన్న హోటల్లో దొరికే ఆహార పదార్థాలు అన్నీ కూడా ఇష్టంగా తింటారని తెలుస్తుంది. అయితే పునుగులు కనిపిస్తే మాత్రం తనని తాను కంట్రోల్ చేసుకోలేదట కంచం మొత్తం ఖాళీ చేయాల్సిందే అంటూ ఓ సందర్భంలో వెల్లడించారు.
పునుగులు..
ఇలా స్టార్ హీరోయిన్గా ఎంతో మంచి సక్సెస్ అందుకున్న శోభిత ఫేవరెట్ ఫుడ్ అంటే ఏ చైనీస్ జపనీస్ వంటకాలు పేర్లు చెబుతుందోనని అందరు భావించారు కానీ ఈమెకు పునుగులు అంటే ఇష్టమని చెప్పడంతో అందరూ ఒక్కసారిగా షాక్ అయ్యారు. ఇక శోభిత మాత్రం బాలీవుడ్ హాలీవుడ్ సినిమాలలో నటిస్తూ కెరియర్ పరంగా మంచి సక్సెస్ అందుకున్నారు.

Pawan Kalyan: సినీ నటుడు ఏపీ డిప్యూటీ సీఎం పవన్ కళ్యాణ్ నేడు గుంటూరు అరణ్య భవన్‍లో అటవీ అమరవీరుల సంస్మరణ సభలో పాల్గొన్నారు. విధి నిర్వహణలో భాగంగా ఎంతో మంది అటవీ అధికారులు తమ ప్రాణాలను కోల్పోయారని ఈయన వారి సేవలను కొనియాడుతూ వారికి నివాళులు అర్పించారు.

అమరవీరుల కుటుంబ సభ్యులను పేరుపేరునా పవన్ కల్యాణ్ పలకరించారు. స్మగ్లర్‌ల చేతిలో ప్రాణాలు కోల్పోయిన 23మంది ఐ.ఏఫ్.యస్ అధికారుల కుటుంబ సభ్యులకు సాయం అందించారు. ఈ సందర్భంగా పవన్ కళ్యాణ్ మాట్లాడుతూ అడవులను సంరక్షించే విషయంలో ఐఎఫ్ఎస్ అధికారుల పాత్ర కీలకమని తెలిపారు. వీరప్పన్ వంటి వారితో పోరాటం చేసిన ఐ.ఏఫ్.యస్ అధికారులు ఉన్నారని గుర్తుచేశారు.

ఇక తమ ప్రభుత్వ పరిపాలన గురించి కూడా ఈయన ఈ సందర్భంగా మాట్లాడుతూ తమది మంచి ప్రభుత్వం కానీ మెతక ప్రభుత్వం కాదని తెలిపారు. ఐఏఎస్‌లకు వార్నింగ్ ఇస్తే సుమోటోగా కేసులు పెడతాం. ఏపీ కాంగ్రెస్ అధ్యక్షురాలు షర్మిల అడిగితే భద్రత కల్పిస్తాం. మహిళా భద్రత విషయంలో సమాజంలో ప్రతి ఒక్కరూ ముందుకు రావాలని పిలుపునిచ్చారు.
భద్రత కల్పిస్తాం..
ఒక్క అధికారిపై చిన్న గాటుపడిన చూస్తూ సహించమని తెలిపారు. 20 ఏళ్లు అధికారంలో ఉంటామంటూ అధికారులను ఇష్టం వచ్చినట్లు ఉపయోగించుకున్నారు. గంజాయి మన్యంతో పాటు రెవెన్యూ భూముల్లో కూడా సాగుచేస్తున్నారు. గంజాయిని పూర్తిగా నిర్మూలిస్తామంటూ ఈ సందర్భంగా పవన్ గుంటూరు సభలో చేసిన ఈ కామెంట్ సోషల్ మీడియాలో సంచలనగా మారాయి.

Samantha: టాలీవుడ్ స్టార్ హీరోయిన్ సమంత ప్రస్తుతం వరుస సినిమాలకు కమిట్ అవుతూ కెరియర్ పరంగా బిజీగా ఉన్నారు తాజాగా ఈమె నటించిన హనీ బన్నీ అనే వెబ్ సిరీస్ ప్రేక్షకుల ముందుకు వచ్చింది అమెజాన్ ప్రైమ్ వీడియోలో ఈ వెబ్ సిరీస్ ప్రచారం అవుతూ మంచి సక్సెస్ అందుకుంది. ఇక ఈ సిరీస్ లో సమంత నటనకు మంచి మార్కులే పడ్డాయి.

ఇక ఈ వెబ్ సిరీస్ పాన్ ఇండియా స్థాయిలో విడుదలైన సందర్భంలో పెద్ద ఎత్తున ప్రమోషన్ కార్యక్రమాలను కూడా నిర్వహించారు. ఈ వెబ్ సిరీస్ లో సమంతకు జోడిగా బాలీవుడ్ వరుణ్ ధావన్ నటించారు. ఇక ఈ సీరిస్ ప్రమోషన్ కార్యక్రమాలలో భాగంగా ఈయన వరుస ఇంటర్వూలలో పాల్గొంటూ ఎన్నో ఆసక్తికరమైన విషయాలను బయటపెట్టారు.

ఈ క్రమంలోనే ఒక ఇంటర్వ్యూ సందర్భంగా ఈయన సమంత గురించి చేసిన కామెంట్స్ వైరల్ అవుతున్నాయి. సమంత విడాకులు తీసుకున్న తర్వాత పూర్తిగా డిప్రెషన్ లోకి వెళ్లిపోయారు. ఈ డిప్రెషన్ నుంచి బయటపడిన వెంటనే ఈమె మయోసైటిసిస్ వ్యాధికి గురి అయ్యారు. అయితే ఈ వ్యాధితో బాధపడుతూనే ఈమె ఈ సిరీస్ షూటింగ్ పూర్తి చేశారని వరుణ్ ధావన్ తెలిపారు.

స్పృహ తప్పి..
సమంత ఈ సిరీస్ కోసం చాలా కష్టపడింది. షూటింగ్ గ్యాప్ లో తాను ఆక్సిజన్ మాస్క్ పెట్టుకొని మరి షూటింగ్ చేసింది కొన్ని సార్లు స్పృహ తప్పి పడిపోయేదని అయినా కూడా ఆమె షూటింగ్ మాత్రం ఆపేది కాదని వరుణ్ ధావన్ తెలిపారు. సమంత కేవలం ఆడవారికి మాత్రమే కాదు ఈ జనరేషన్ వారందరికీ కూడా ఎంతో స్ఫూర్తి అని తెలిపారు. ఆమెతో స్నేహం తర్వాత నేను తనకు ఫ్యాన్ అవ్వడమే కాకుండా తన నుంచి ఎన్నో విషయాలు నేర్చుకున్నాను. ఆమె షూటింగ్ సమయంలో పడిన కష్టం చూసి నా కళ్ళల్లో నీళ్లు వచ్చేవని వరుణ్ ధావన్ చేసిన కామెంట్స్ వైరల్ అవుతున్నాయి.