Bahubali 3: ప్రభాస్ అభిమానులకు ఇది గుడ్ న్యూస్ అని చెప్పాలి. ప్రభాస్ కు పాన్ ఇండియా స్టార్ హీరోగా బాహుబలి సినిమా గుర్తింపు తీసుకువచ్చిన సంగతి తెలిసిందే. బాహుబలి సినిమా ద్వారా పాన్ ఇండియా స్టార్ హీరోగా సక్సెస్ అందుకున్న ప్రభాస్ తదుపరి సినిమాలన్నీ కూడా పాన్ ఇండియా స్థాయిలోనే చేస్తున్నారు.

ఇక ఈ సినిమా రెండు భాగాలుగా ప్రేక్షకుల ముందుకు వచ్చి ఎంతో మంచి ఆదరణ సొంతం చేసుకుంది. అయితే త్వరలోనే బాహుబలి త్రీ కూడా రాబోతోంది అంటూ తాజాగా నిర్మాత చేసిన కామెంట్స్ ప్రస్తుతం వైరల్ అవుతున్నాయి. గతంలో బాహుబలి 3 గురించి ప్రభాస్ రాజమౌళి మాట్లాడిన ఇప్పుడే అలాంటి ఆలోచనలేమీ లేవని తెలిపారు.

ఇకపోతే తాజాగా కంగువ నిర్మాత జ్ఞానవేల్ రాజా ఒక ఇంటర్వ్యూలో మాట్లాడుతూ బాహుబలి 3 గురించి ఆసక్తికర వ్యాఖ్యలు చేశారు. తాను ఇటీవల బాహుబలి నిర్మాతలతో కలిసి మాట్లాడానని అయితే వారు బాహుబలి 3 కూడా ఉండబోతోందని తెలిపారంటూ జ్ఞానవేల్ రాజా వెల్లడించారు.

బాహుబలి 3..
ఇలా బాహుబలి నిర్మాతలు పార్ట్ 3 కూడా ఉండబోతుందని చెప్పారనే విషయం తెలిసిన అభిమానులు ఎంతో సంతోషం వ్యక్తం చేస్తున్నారు. అయితే ఒకవేళ ప్రభాస్ ఈ సినిమా చేసిన ఇప్పట్లో రాదని తెలుస్తుంది. ఇప్పటికే ఈయన సుమారు ఐదు పాన్ ఇండియా సినిమాలకు కమిట్ అయ్యి వరుస షూటింగ్ పనులలో బిజీగా గడుపుతున్నారు. ఈ సినిమాలన్నీ పూర్తయిన తర్వాతనే బాహుబలి త్రీ గురించి ఆలోచిస్తారని అభిమానులు చర్చలు జరుపుకుంటున్నారు.

Rakul Preeth Singh: సినీనటి రకుల్ ప్రీత్ సింగ్ ఆస్పత్రి పాలయ్యారు. ఈమె గత వారం రోజులుగా ఆస్పత్రి బెడ్ పై ఉన్నారనే విషయం తెలిసిన అభిమానులు ఒక్కసారిగా ఆందోళన వ్యక్తం చేస్తున్నారు . అసలు ఈమెకు ఏం జరిగింది అంటూ ఆరా తీయడం మొదలుపెట్టారు.

రకుల్ ప్రీతిసింగ్ సినిమా షూటింగ్స్ కనుక లేకపోతే ఎక్కువ సేపు జిమ్ లోనే సమయం గడుపుతారనే సంగతి మనకు తెలిసిందే. ఇలా భారీ స్థాయిలో వర్కౌట్స్ చేస్తూ బిజీగా ఉంటారు. ఈ తరుణంలోనే ఇటీవల వర్కౌట్స్ చేస్తున్న సమయంలో ఈమె ఒకేసారి 80 కిలోల బరువు ఎత్తారు. దీంతో తన వెన్నుకు గాయమైంది.

ఇలా గాయమై నొప్పి తీవ్రత ఉన్నప్పటికీ ఈమె లెక్క చేయకుండా సినిమా షూటింగ్స్ లో పాల్గొన్నారు. దీంతో దాని తీవ్రత మరింత అధికం కావడంతో హాస్పిటల్ పాలయ్యారు. ఇలా ఆరు రోజులుగా బెడ్ పైనే ఉన్న రకుల్ తాజాగా తన హెల్త్ అప్డేట్ గురించి తెలిపారు. నా శరీరం చెబుతున్న నేను పట్టించుకోకుండా పిచ్చిగా ప్రవర్తించాను.

వెన్నులో నొప్పి..
మీరు కూడా మీ శరీరం చెప్పిన మాట వినండి. మీ శరీరం చెప్పింది అంటే ఆ శ్రద్ధ వహించకండి అంటూ ఈ సందర్భంగా తన హెల్త్ అప్డేట్ ఇవ్వడంతో అభిమానులు ఈమె త్వరగా ఈ నొప్పి సమస్య నుంచి కోలుకోవాలి అంటూ కామెంట్లు చేస్తున్నారు. ఇక ప్రస్తుతం రకుల్ వరుస బాలీవుడ్ సినిమాలలో నటిస్తూ బిజీగా ఉన్న ఈమె పూర్తిగా సౌత్ సినిమాలకు దూరంగా ఉన్నారు. ఇక తెలుగులో చివరిగా కొండ పొలం అనే సినిమాలో నటించారు.

Aara Mastan: ఇటీవల హర్యానాలో జరిగిన ఎన్నికల ఫలితాలు ఎవరు ఊహించని విధంగా వచ్చాయి. కాంగ్రెస్ గెలుస్తుందని అందరూ భావించినప్పటికీ చివరికి బిజెపి హర్యానాలో విజయకేతనం ఎగరవేసింది. అయితే తాజాగా హర్యానా ఎన్నికల ఫలితాలపై ఆరా మస్తాన్ చేసిన కామెంట్స్ సంచలనగా మారాయి.

తాజాగా ఒక ఇంటర్వ్యూలో పాల్గొన్న ఆరా మస్తాన్ ఈవీఎంల ట్యాంపరింగ్ చేయడం కుదురుతుందని, అందుకే ఊహించిన ఫలితాలు రాకుండా వేరే ఫలితాలు వస్తున్నాయని తెలిపారు.తను వైసీపీ గెలుస్తుందని సర్వే చేసే తెలిపామని అది అబద్ధం అయ్యిందని దానికి కారణం ఈవీఎం టాంపరింగ్ అని అన్నారు. హర్యానాలో పోస్టల్ బ్యాలెట్ కౌంటింగ్ సమయంలో కాంగ్రెస్ ఆధిపత్యం చెలాయించింది. అదే ఈవీఎం కౌంటింగ్ సమయంలో బిజెపి ముందంజలోకి వచ్చింది.

దీన్ని బట్టి మనం ఈవీఎంలు ట్యాంపరింగ్ చేశారని అర్థం చేసుకోవచ్చని ఆరా మస్తాన్ సంచలన వ్యాఖ్యలు చేశారు. కచ్చితంగా ఇక్కడ గెలుస్తామనే నియోజకవర్గాలలో కాకుండా వేరే నియోజకవర్గాలలో ఈవీఎం ట్యాంపరింగ్ చేసి గెలుస్తున్నారని ఆరా మస్తాన్ ఆరోపించారు.

ఈవీఎంలు ట్యాంపరింగ్ .

ఒకప్పుడు ఈవీఎంల ట్యాంపరింగ్ గురించి చంద్రబాబు ఏ మాట్లాడాలని కానీ ఇప్పుడు మాత్రం ఆయన గప్‌చుప్ గా ఉన్నారని దీన్ని బట్టి ప్రజలు ఒకటే అర్థం చేసుకోవాలని ఆయన తెలిపారు.ఇప్పుడు ఆయన చేసిన ఈ వ్యాఖ్యలు ఏపీ రాజకీయాల్లో సంచలనం సృష్టిస్తున్నాయి.