Amala Paul : మళయాళం లో మొదలు పెట్టి తమిళం, తెలుగు, కన్నడ వంటి అన్ని భాషలలోనూ నటించి గుర్తింపు తెచ్చుకున్న అమలా పాల్ ప్రస్తుతం తెలుగులో కనిపించడం లేదు కానీ తమిళం, మలయాళం లో సినిమాలు, వెబ్ సిరీస్ లంటూ బిజీగా ఉంది. కెరీర్ పీక్స్ లో ఉన్నపుడు డైరెక్టర్ ను పెళ్లి చేసుకుని ఆ తరువాత విడాకులు తీసుకుని ఇపుడు మళ్ళీ సినిమాల్లో బిజీ అవుతున్న అమలా పాల్ ప్రస్తుతం వెబ్ సిరీస్ లతో బిజీగా ఉంది. అయితే తన కెరీర్ లో జరిగిన సంఘటనల గురించి స్పందించింది అమల పాల్.
సీనియర్స్ తో నటించేప్పుడు ఇబ్బంది పడ్డాను…
‘మైనా’ సినిమాతో ఇండస్ట్రీ కి పరిచయమైన అమల పాల్ మొదటి సినిమాతోనే మంచి పేరు తెచ్చుకుంది. కెరీర్ పీక్స్ లో ఉన్నపుడు కొన్ని ప్రయోగాలు బాగుంటాయి కానీ మరీ సినిమా కెరీర్ ప్రారంభంలోనే నటనా ప్రాధాన్యత ఉన్న పాత్రలను చేసి మెప్పించింది. ఇక తెలుగులో బన్నీ, రామ్ చరణ్, నాని, నాగ చైతన్య వంటి హీరోస్ తో నటించిన అమల పాల్ ఈ మధ్య కాలంలో తెలుగులో కనిపించడం లేదు. పెళ్లి, విడాకుల తరువాత తెలుగులో నటించలేదు కానీ తమిళం, మలయాళం లో నటిస్తోంది. ఇక తన సినిమా కెరీర్ గురించి ఆసక్తికర వాఖ్యలు చేసింది అమల పాల్, కెరీర్ మొదట్లో తన కన్నా వయసులో పెద్ద అయిన హీరోలతో నటించినపుడు ఇబ్బంది పడ్డానని చెప్పింది.
అయితే వారి నుండి ఎన్నో విలువైన పాఠాలు నేర్చుకున్నానని అయితే కొన్ని ఇబ్బందులైతే ఎదుర్కొన్నానని చెప్పింది. ఇక కెరీర్ లో ఒకసారి వెనక్కి తిరిగి చూసుకుంటే సక్సెస్ కోసం పాకులాడినట్లుగా అనిపించి సినిమాల మీద విసుగువచ్చింది, అందుకే సినిమాలు ఇక చేయకూడదని అనుకున్నాను. అయితే అదే సమయానికి మా నాన్న మరణించడం తో ఒక్కసారిగా క్రుంగిపోయాను. జీవితం అంటే భయమేసింది, ఏమ్ చేయాలో అర్థం కాలేదు. ఇక మళ్ళీ సినిమాల వైపు చుసాను. అయితే ఈ సారి సక్సెస్ కోసం కాకుండా నచ్చినట్టు సినిమాలను చేస్తున్నాను. నా కంటూ మంచి పేరు తెచ్చుకోడానికి ప్రయత్నిస్తున్నాను అంటూ చెప్పింది అమల పాల్.