YS Jagan: వైయస్ జగన్ గత ఎన్నికలలో ఓటమిపాలైన తర్వాత తన పరిస్థితి ఏటూ తేల్చుకొని విధంగా ఉంది. ఒకవైపు బీజేపీ పెద్దలతో మాటలు లేవు అలాగే కాంగ్రెస్ చెంతకు చేరలేరు. మరోవైపు కూటమి ప్రభుత్వం తన పార్టీ నేతలను కార్యకర్తలను వరుస కేసులతో ఉక్కిరిబిక్కిరి చేస్తున్న తరుణంలో జగన్ తన మైండ్ కి పదును పెట్టి అసలు సిసలైన గేమ్ స్టార్ట్ చేశారని తెలుస్తోంది.

కాంగ్రెస్ పెద్దలతో సఖ్యతగా ఉండాలి అంటే ముందుగా తన చెల్లెలని కూల్ చేయాలి. తన చెల్లెల్ని కూల్ చేయాలి అంటే ఆమె కోరిన విధంగా తన తండ్రి సంపాదించిన ఆస్తులలో సగభాగం తన చెల్లికి ఇవ్వాల్సి ఉంటుంది. ఇదే విషయంలోనే షర్మిల జగన్ కి వ్యతిరేకంగా మారి తన ఓటమికి కూడా కారణమయ్యారు.

ఇలా తన చెల్లి కోరిన విధంగానే తన తండ్రి సంపాదించిన ఆస్తులలో సగభాగం ఇవ్వడానికి జగన్ సిద్ధమయ్యారని ఈ వ్యవహారాన్ని కర్ణాటక కాంగ్రెస్ పెద్దల ద్వారా రాయబారం పంపించారంటూ ఇటీవల ఓ తెలుగు వార్తాపత్రికలో ప్రకటించారు. బెంగళూరు వేదికగా జగన్ ఈ రాజకీయాలన్నింటినీ నడిపిస్తున్నారని తెలుస్తుంది.

అన్న చెంతకు చెల్లి..
ఇలా తన చెల్లెకు సగభాగం ఆస్తులు పంచి ఇస్తూ ఈయన వచ్చే ఎన్నికలలో కాంగ్రెస్ తో పొత్తుకు సిద్ధమవుతూ కూటమి ప్రభుత్వాన్ని పడగొట్టాలనే ఆలోచనలోనే ఉన్నారని తెలుస్తుంది. ఇదే విషయం గురించి కర్ణాటక కాంగ్రెస్ పెద్దలతో చర్చలు కూడా జరిగినట్టు సమాచారం. మరి వచ్చే ఎన్నికల నాటికి జగన్ తన పార్టీని కాంగ్రెస్ పార్టీలో విలీనం చేస్తారా.. లేకపోతే రెండు పార్టీలు కలిసి ఉమ్మడిగా పోటీ చేస్తాయా అనే విషయం తెలియదు కానీ ప్రస్తుతం మాత్రం జగన్ తన చెల్లికి ఆస్తి ఇచ్చి ఇద్దరు ఓకే గూటికి చేరబోతున్నారని తెలుస్తోంది.