Suriya: సినీ నటుడు సూర్య ప్రస్తుతం కంగువ సినిమా ప్రమోషన్ కార్యక్రమాలలో ఎంతో బిజీగా ఉన్నారు. శివ దర్శకత్వంలో జ్ఞానవేల్ రాజా నిర్మాణంలో అత్యంత భారీ బడ్జెట్ సినిమాగా ఈ చిత్రం పాన్ ఇండియా స్థాయిలో ప్రేక్షకుల ముందుకు రావడానికి సిద్ధమవుతోంది. నవంబర్ 14వ తేదీ ఈ సినిమా విడుదల కాబోతున్న నేపథ్యంలో ప్రమోషన్ కార్యక్రమాలను కూడా వేగవంతం చేస్తున్నారు.

ఇక ఈ సినిమా ప్రమోషన్ కార్యక్రమాలలో భాగంగా హీరో సూర్య పలు ఆసక్తికరమైన విషయాలను వెల్లడించారు. ఇప్పటికే ఈయన సినిమాలలో ఎంతో మంది హీరోయిన్లు నటించారు అయితే ఓ హీరోయిన్ తో మాత్రం తనకు మళ్ళీ కలిసి నటించాలని ఉంది అంటూ తన మనసులో కోరికను ఈ సందర్భంగా సూర్య బయటపెట్టారు.

మరి సూర్య ఇంకోసారి నటించాలనుకుంటున్న ఆ హీరోయిన్ ఎవరు అనే విషయానికొస్తే ఆమె మరేవరో కాదు తన సతీమణి జ్యోతిక అంటూ ఈయన వెల్లడించారు. జ్యోతికతో కలిసి నేను మరోసారి స్క్రీన్ పై కనిపిస్తాననే కోరిక అలాగే ఉండిపోయిందని తెలిపారు .తనతో కలిసి మరోసారి నటించాలని ఉంది అంటూ సూర్య తెలిపారు.

ఇలా నేను జ్యోతిక నటించే సినిమా మాకోసమే అనే విధంగా ఉండాలి తప్ప ఏదో నేను చెప్పానని తన పాత్రను ఇరికించే ప్రయత్నాలు చేయకూడదని కండిషన్ కూడా పెట్టారు. నేనెప్పుడూ నాకోసం జ్యోతిక కోసం కథ రాయమని ఏ దర్శకుని అడగలేదని, ఆ కథ మాకోసమే అనే విధంగా ఉంటే తప్పకుండా తిరిగి తనతో కలిసి నటిస్తానని సూర్య తెలిపారు.
జ్యోతిక..
సూర్య తన భార్యతో కలిసిన నటించాలని ఉందనే కోరిక బయట పెట్టడంతో ఈ అవకాశాన్ని ఎంతో మంది దర్శక నిర్మాతలు ఉపయోగించుకునే అవకాశం లేకపోలేదు. ఇక వీరిద్దరూ కలిసి పూవెల్లామ్‌ కేట్టుప్పార్‌, ఉయి రిలే కలందదు, కాక్క కాక్క, పేరళగన్‌, మాయావి, సిల్ల న్ను ఒరు కాదల్‌ వంటి సక్సెస్‌ఫుల్‌ చిత్రాల్లో నటించి ప్రేక్షకులను మెప్పించారు.

Allu Arjun: అల్లు అర్జున్ నేషనల్ అవార్డు విషయంలో భారీగా ట్రోల్ అవుతున్నారు. ఇటీవల ఈయన బాలకృష్ణ హోస్ట్ గా వ్యవహరిస్తున్న అన్ స్టాపబుల్ కార్యక్రమానికి హాజరయ్యారు. ఈ కార్యక్రమంలో భాగంగా నేషనల్ అవార్డు గురించి ఆసక్తికర వ్యాఖ్యలు చేశారు. నేషనల్ అవార్డు మన తెలుగు వారికి ఎవరికీ వచ్చిందని చూస్తే ఒకరికి కూడా రాలేదు అప్పుడే నేను నేషనల్ అవార్డును రౌండ్ ఆఫ్ చేసి ఎలాగైనా దాని కొట్టాలని ఫిక్స్ అయ్యానని తెలిపారు.

ఇలా నేషనల్ అవార్డును టార్గెట్ చేసి తాను అవార్డు దక్కించుకున్నానని బన్నీ కామెంట్ చేశారు. ఇంతవరకు బానే ఉంది కానీ గతంలో ఈయన తనకు నేషనల్ అవార్డు వచ్చిన సమయంలో చేస్తున్న కామెంట్లకు సంబంధించి ఒక వీడియోని ప్రస్తుతం వైరల్ చేస్తున్నారు. ఇలా నేషనల్ అవార్డు తనకు వచ్చిందనే విషయం తెలియగానే ఈ అవార్డు అందుకుంటున్న తెలుగువారిలో నేను మూడో వ్యక్తి నాలుగో వ్యక్తి అయ్యి ఉంటాను అనుకున్నాను కానీ నేనే మొదటి వ్యక్తని అప్పటివరకు నాకు తెలియదని ఆ విషయం తెలిసి చాలా సంతోషపడ్డానని బన్నీ తెలిపారు.

నేషనల్ అవార్డు..
ఇలా నేషనల్ అవార్డు గురించి ఈయన ఒక్కో సందర్భంలో ఒక్కో మాట మాట్లాడటంతో ఇందుకు సంబంధించిన వీడియోలు సోషల్ మీడియాలో వైరల్ అవ్వడమే కాకుండా ఇలా మాట మారుస్తూ మాట్లాడినందుకుగాను ఈయనపై భారీ స్థాయిలో యాంటీ ఫ్యాన్స్ ట్రోల్ చేస్తున్నారు. పుష్ప సినిమాలో తన నటనకు గాను నేషనల్ అవార్డు వచ్చిన సంగతి తెలిసిందే.

Bigg Boss 8: బిగ్ బాస్ సీజన్ 8 కార్యక్రమ పదవ వారం పూర్తి చేసుకుంది. ఇక ఈవారం హౌస్ నుంచి గంగవ్వతో పాటు హరితేజ కూడా ఎలిమినేట్ అయ్యారు గంగవ్వ సెల్ఫ్ ఎలిమినేట్ అయ్యారు. ఆమె అనారోగ్య సమస్యలను దృష్టిలో పెట్టుకొని ఆమె నిర్ణయం ప్రకారమే బిగ్ బాస్ నుంచి బయటకు పంపించినట్లు తెలుస్తోంది.

ఇక గంగవ్వ సెల్ఫ్ ఎలిమినేషన్ కాగా ఆడియన్స్ ఓటింగ్ ప్రకారం హరితేజకు చాలా తక్కువ ఓట్లు రావడంతో ఆమె కూడా హౌస్ నుంచి బయటకు వచ్చేశారు. ఇలా వైల్డ్ కార్డు ద్వారా ఎంట్రీ ఇచ్చిన గంగవ్వ హరితేజ ఇద్దరు కూడా ఒకే వారం హౌస్ నుంచి బయటకు రావడంతో వీరిద్దరీ రెమ్యూనరేషన్ గురించి సోషల్ మీడియాలో వార్తలు వైరల్ అవుతున్నాయి.

హరితేజ వైల్డ్ కార్డు ద్వారా హౌస్ లోకి ఎంట్రీ ఇచ్చి ఎంత మొత్తంలో రెమ్యూనరేషన్ అందుకున్నారనే విషయానికి వస్తే ఈమె వారానికి మూడు లక్షలు వరకు రెమ్యూనరేషన్ అందుకున్నారని తెలుస్తోంది. ఇలా 5 వారాలు పాటు హౌస్ కొనసాగిన హరితేజ సుమారు 15 లక్షలకు పైగా రెమ్యూనరేషన్ అందుకున్నారని సోషల్ మీడియాలో వార్తలు హల్చల్ చేస్తున్నాయి.

అనారోగ్య సమస్యలు..
ఇక గంగవ్వ కూడా వైల్డ్ కార్డు ద్వారా హౌస్ లోకి అడుగుపెట్టారు అయితే ఈమె కూడా హౌస్ లోకి వెళ్లిన 5 వారాలకే అనారోగ్య సమస్యల కారణంగా హౌస్ నుంచి బయటకు వచ్చేశారు. ఇక గంగవ్వ వారానికి సుమారు మూడున్నర లక్ష వరకు రెమ్యూనరేషన్ అందుకున్నారని తెలుస్తుంది. ఈ లెక్కన చూస్తే హరితేజ కంటే గంగవ్వ అధిక రెమ్యూనరేషన్ తీసుకున్నారని చెప్పాలి.