స్వీట్ కార్న్ రైస్ తయారీకి కావలసిన పదార్థాలు :

• స్వీట్ కార్న్- 1 కప్పు.
• ఉడికించిన అన్నం – 2 కప్పులు.
• ఉల్లిపాయలు – 1 మీడియం సైజ్.
• అల్లం, వెల్లుల్లి పేస్ట్ – కొద్దిగా.
• మసాలా దినుసులు – 4 లవంగాలు,యాలకులు, కొద్దిగా సజీర, ఒక బిర్యాని ఆకు సువాసన కోసం.
• కారం – కొద్దిగా.
• పసుపు – చిటికెడు.
• నెయ్యి – 2 టేబుల్ స్పూన్స్.
• ఆయిల్ – 1 టేబుల్ స్పూన్.
• ఉప్పు – రుచికి సరిపడినంత.
• కొత్తిమీర – కొద్దిగా

తయారీ విధానం:
ముందుగా స్వీట్ కార్న్ ని బాగా ఉడికించుకోవాలి, అన్నం కూడా ఉడికించి పక్కన పెట్టుకోవాలి. స్టౌ వెలిగించి కడాయి పెట్టుకొని దానిలో 2 టేబుల్ స్పూన్స్ నెయ్యి మరియు ఒక స్పూన్ ఆయిల్ వేసి వేడెక్కాక అందులో మసాలా దినుసులు వేసి వేయించాక, ముందుగా తరిగి పెట్టుకున్న ఉల్లిపాయ ముక్కలు వేసి అందులో కొద్దిగా ఉప్పు వేసి మూత పెట్టాలి. ఇలా ఉప్పు వేసి మూత పెడితే ఉల్లిపాయలు త్వరగా ఉడుకుతాయి. ఉల్లిపాయ ముక్కలు వేగాక అందులో చిటికెడు పసుపు వేసి కలపాలి. ఆ తరువాత అల్లం వెల్లుల్లి పేస్ట్ వేసి కలపాలి. ఈ పేస్ట్ కూడా వేగిన తర్వాత కొద్దిగా కారం వేసి కలిపి, ఆ తర్వాత ఉడక పెట్టిన స్వీట్ కార్న్ వేసి కలిపి కాసేపు మూత పెట్టాలి. కాసేపటి తరువాత మూత తీసి ఉడికించిన అన్నం వేసి కలపాలి. అన్ని పదార్థాలు కలిసేలా బాగా కలిపాక ఉప్పు చూసుకొని రుచికి సరిపడా వేసుకోవాలి, దాని పైన కొత్తమీర చల్లు కొని స్టౌ ఆఫ్ చేస్తే వేడి వేడి స్వీట్ కార్న్ రైస్ రెడీ అయిపోతుంది.

స్వీట్ కార్న్ లో పీచు పదార్థం ఎక్కువ గ ఉంటుంది. ఇది ఆరోగ్యానికి చాలా మంచిది. చాలా మంది పిల్లలు స్వీట్ కార్న్ తినడానికి ఇష్ట పడరు, పిల్లలకు ఇలా రైస్ రూపంలో చేసి పెడితే ఎంతో రుచి గా మరియు ఆరోగ్యంగా కూడా ఉంటుంది.

పాప్‌కార్న్ చికెన్ ఎలా తయారుచేయాలో చూద్దాం…

కావలసిన పదార్థాలు:

చికెన్ బ్రెస్ట్ (బోన్ లెస్):250grm(చిన్న చిన్న ముక్కలుగా కట్ చేయాలి)
కాశ్మీర్ కారం : 1tsp
టొమాటో కెచప్: 1tsp
ఉప్పు : రుచికి తగినంత
గరం మసాలా : : 1tsp
కసూరీ మేథీ పొడి : చిటికెడు
నిమ్మ రసం: 1tsp
అల్లం – వెల్లుల్లి పేస్ట్ : 1tsp
మైదా పిండి : 1cup
కోడి గుడ్లు – 2 (సొన గిన్నెలో వేసి బాగా గిలక్కొట్టాలి)
నూనె : 1tsp
చాట్ మసాలా : 1/2tsp

తయారు చేయు విధానం:
1. ముందుగా ఒక పాత్రలో కాశ్మీర్ కారం, టొమాటో కెచప్, ఉప్పు, గరం మసాలా, కసూరీ మేథీ పొడి, నిమ్మరసం, అల్లం – వెల్లులి పేస్ట్‌లను బాగా కలపాలి.
2. తర్వాత ఈ మిశ్రమంలో చికెన్ ముక్కలు వేసి బాగా కలిపి, సుమారు గంటసేపు ఊరబెట్టాలి.
3. ఆ తర్వాత గిలక్కొట్టిన కోడిగుడ్డు సొనను కూడా వేసి, సొన ముక్కలకు పట్టేలా బాగా కలపాలి.
4. ఓ గిన్నెలో మైదాపిండి, ఉప్పు వేసి కలుపుకోవాలి. ఇందులో చికెన్ ముక్కల్ని వేసి, ముక్కలకు మైదా బాగా పట్టేవరకూ కలపాలి.
5. ఓవెన్‌ను 20 డిగ్రీల దగ్గర ప్రీ హీట్ చేసి పెట్టుకోవాలి. బాస్కెట్‌లో చికెన్ ముక్కలను వేసి, ఎయిర్ ఫ్రయర్‌లో పెట్టి, ఐదు నిమిషాలు ఉంచాలి. ఆరేడు నిమిషాల్లో ముక్కలు వేగిపోతాయి.

6. ఆ పైన వాటిని ప్లేట్‌లోకి తీసుకుని, వాటి మీద చాట్ మసాలా, కారం చల్లి వేడివేడిగా వడ్డించాలి. అంతే పాప్ కార్న్ చికెన్ రెడీ.