Ram Charan: మెగా పవర్ స్టార్ రామ్ చరణ్ తేజ్ ప్రస్తుతం గేమ్ ఛేంజర్ సినిమాలో నటిస్తున్నారు. ఈ సినిమా వచ్చే ఏడాది సంక్రాంతి పండుగను పురస్కరించుకొని జనవరి 10వ తేదీ ప్రేక్షకుల ముందుకు రాబోతున్న నేపథ్యంలో సినిమాకు సంబంధించిన అప్డేట్స్ విడుదల చేస్తున్నారు. దీపావళి పండుగను పురస్కరించుకొని ఎన్నో కొత్త సినిమాలు అప్డేట్స్ తెలియజేశాయి.

ఈ క్రమంలోనే రామ్ చరణ్ నటిస్తున్న గేమ్ ఛేంజర్ సినిమా నుంచి దీపావళి పండుగను పురస్కరించుకొని బిగ్ అప్డేట్ మేకర్స్ ఇచ్చారు. రామ్ చరణ్ లుక్ కి సంబంధించి ఒక పోస్టర్ విడుదల చేశారు.అది ఫ్యాన్స్ కు సంతోషాన్ని కలిగించినా కూడా ట్రోల్స్ మాత్రం ఆగటం లేదు. తాజాగా ఈ పోస్టర్ పై అల్లు అర్జున్ ఫ్యాన్స్ కామెంట్స్ చేస్తున్నారు. అవి కాస్త సోషల్ మీడియాలో తెగ వైరల్ అవుతున్నాయి.
మాస్ లుక్ లో చరణ్…

ఈ పోస్టర్ లో రామ్ చరణ్ లుంగీ కట్టి మాస్ లుక్ లో అదరగొట్టాడు. పట్టాలపై విలన్ మనుషులని రామ్ చరణ్ కొట్టి పడినట్టు తెలుస్తుంది. చరణ్ మాస్ లుక్ లో లుంగీ కట్టి వాళ్ళ పక్కనే కూర్చున్నాడు. ఆ పోస్టర్ లో రామ్ చరణ్ లుక్ చూసిన బన్నీ ఫాన్స్ తెగ ట్రోల్ చేస్తున్నారు. ఈ పోస్టర్ చూస్తుంటే పుష్ప సినిమాలో అచ్చం అల్లు అర్జున్ లాగే కనిపించడంతో ఏంటి చరణ్ అన్న మా బన్నీ అన్నను చూసి కాపీ కొట్టావా అంటూ పలువురు కామెంట్లు చేస్తున్నారు.

Rajinikanth: తమిళ స్టార్ హీరో విజయ్ తమిళగ వెట్రి కళగం (టీవీకే) పేరిట రాజకీయ పార్టీ ఏర్పాటు చేయడం, ఇటీవలే లక్షలాది మంది అభిమానులతో ఓ భారీ బహిరంగ సభను ఏర్పాటు చేయగా ఈ సభ ఎంతో విజయవంతం అవ్వడమే కాకుండా తమిళనాడు రాజకీయాలలో పెద్ద ఎత్తున చర్చలకు కారణం అయ్యింది.

ఇకపోతే ఈ బహిరంగ సభ గురించి ఇప్పటికే పలువురు వివిధ రకాలుగా చర్చలు జరుపుతున్నారు. తాజాగా దీపావళి పండుగను పురస్కరించుకొని తమిళ సూపర్ స్టార్ రజనీకాంత్ తన ఇంటి ఎదుట ప్రెస్ మీట్ నిర్వహించారు. ఈ కార్యక్రమంలో భాగంగా ఈయన విజయ్ ఎన్నికల బహిరంగ సభ గురించి ఆసక్తికరమైన విషయాలను వెల్లడించారు.

విజయ్ రాజకీయ రంగ ప్రవేశం విజయవంతమైందని, టీవీకే పార్టీ తొలి బహిరంగ సభను చక్కగా నిర్వహించారని కొనియాడారు. విజయ్ తన పార్టీ సభను ఎంతో విజయవంతంగా నిర్వహించారని, అందుకు అతడిని అభినందిస్తున్నానని తెలిపారు. ప్రస్తుతం రజనీకాంత్ చేసిన ఈ కామెంట్స్ సోషల్ మీడియాలో వైరల్ అవుతున్నాయి.

విజయవంతంగా నిర్వహించారు..
గతంలో కూడా రజనీకాంత్ రాజకీయాలలోకి రావాలని భావించారు అందుకు ఏర్పాట్లు కూడా జరిగాయి కానీ అనారోగ్య సమస్యల కారణంగా కొంతమంది ఆయన శ్రేయోభిలాషులు ఇలాంటి టైంలో రాజకీయాలలోకి వెళ్లడం మంచిది కాదని సూచించడంతో రజనీకాంత్ తన రాజకీయ ప్రవేశాన్ని రద్దు చేసుకున్నారు. ఇప్పటికే ఇండస్ట్రీలో స్టార్స్ గా కొనసాగుతున్న ఉదయనిది స్టాలిన్ కమల్ హాసన్ విజయ్ దళపతి వంటి వారందరూ కూడా రాజకీయాలలో కొనసాగుతున్న విషయం తెలిసిందే.

Sreeleela: పెళ్లి సందడి సినిమా ద్వారా తెలుగు ప్రేక్షకుల ముందుకు హీరోయిన్గా పరిచయమయ్యారు నటి శ్రీ లీల. ఈ సినిమా అనుకున్న స్థాయిలో పెద్దగా సక్సెస్ కాకపోయినా ఈమె అందానికి ప్రేక్షకులు ఫిదా అవుతూ వచ్చారు. దీంతో ఈమెకు తదుపరి తెలుగులో అవకాశాలు వచ్చాయి ధమాకా సినిమాతో బ్లాక్ బస్టర్ హిట్ అందుకున్న శ్రీలీలకు అనంతరం తెలుగులో అరడజనుకు పైగా సినిమా అవకాశాలు రావడంతో కెరియర్ పరంగా బిజీ అయ్యారు.

ప్రస్తుతం ఈమె తెలుగుతోపాటు బాలీవుడ్ సినిమాలలో కూడా నటిస్తున్నారు ఇదిలా ఉండగా తాజాగా శ్రీ లీలకు సంబంధించి వార్త సోషల్ మీడియాలో చక్కెరలు కొడుతుంది. శ్రీ లీల టాలీవుడ్ ఇండస్ట్రీకి చెందిన ఓ హీరోతో ప్రేమలో ఉన్నారు అంటూ వార్తలు వైరల్ అవుతున్నాయి. ఇకపోతే ఆ హీరో దీపావళి పండుగ సందర్భంగా ఈమె కోసం స్పెషల్ గిఫ్ట్ పంపించారని కూడా తెలుస్తోంది.

శ్రీ లీల కోసం దీపావళి పండుగ సందర్భంగా స్పెషల్ గా డిజైన్ చేయించిన బ్యాగ్ తనకోసం గిఫ్ట్ గా పంపిస్తూ తన ప్రేమ విషయాన్ని బయటపెట్టారు . మరి ఈమెకు స్పెషల్ గిఫ్ట్ పంపిన ఆ హీరో మరెవరో కాదు మెగా హీరో అని సమాచారం. ఉప్పెన సినిమా ద్వారా ఇండస్ట్రీలోకి అడుగుపెట్టి మంచి హిట్ కోసం ఎంతో కష్టపడుతున్న నటుడు పంజా వైష్ణవ్ తేజ్ శ్రీలీల ఇద్దరు ప్రేమలో ఉన్నారంటూ వార్తలు హల్చల్ చేస్తున్నాయి.
వైష్ణవ్ తేజ్..

వీరిద్దరూ రహస్యంగా ప్రేమలో ఉన్నారని వీరిద్దరి మధ్య యవ్వారం గిప్టులు ఇచ్చిపుచ్చుకునే వరకు వెళ్లిందని తెలుస్తోంది. ఈ విషయం సోషల్ మీడియాలో వైరల్ గా మారడంతో పలువురు నెటిజన్స్ షాక్ అవ్వడమే కాకుండా మరికొంతమంది ఇద్దరి మధ్య ప్రేమ విషయాన్ని ఇలా బయటపెట్టావా బ్రో అంటూ కామెంట్లు చేస్తున్నారు. ఏది ఏమైనా మెగా హీరోతో ప్రేమలో ఉన్నారనే విషయం తెలియడంతో ఇది కాస్త సంచలనంగా మారింది.