Aara Mastan: ఇటీవల హర్యానాలో జరిగిన ఎన్నికల ఫలితాలు ఎవరు ఊహించని విధంగా వచ్చాయి. కాంగ్రెస్ గెలుస్తుందని అందరూ భావించినప్పటికీ చివరికి బిజెపి హర్యానాలో విజయకేతనం ఎగరవేసింది. అయితే తాజాగా హర్యానా ఎన్నికల ఫలితాలపై ఆరా మస్తాన్ చేసిన కామెంట్స్ సంచలనగా మారాయి.

తాజాగా ఒక ఇంటర్వ్యూలో పాల్గొన్న ఆరా మస్తాన్ ఈవీఎంల ట్యాంపరింగ్ చేయడం కుదురుతుందని, అందుకే ఊహించిన ఫలితాలు రాకుండా వేరే ఫలితాలు వస్తున్నాయని తెలిపారు.తను వైసీపీ గెలుస్తుందని సర్వే చేసే తెలిపామని అది అబద్ధం అయ్యిందని దానికి కారణం ఈవీఎం టాంపరింగ్ అని అన్నారు. హర్యానాలో పోస్టల్ బ్యాలెట్ కౌంటింగ్ సమయంలో కాంగ్రెస్ ఆధిపత్యం చెలాయించింది. అదే ఈవీఎం కౌంటింగ్ సమయంలో బిజెపి ముందంజలోకి వచ్చింది.

దీన్ని బట్టి మనం ఈవీఎంలు ట్యాంపరింగ్ చేశారని అర్థం చేసుకోవచ్చని ఆరా మస్తాన్ సంచలన వ్యాఖ్యలు చేశారు. కచ్చితంగా ఇక్కడ గెలుస్తామనే నియోజకవర్గాలలో కాకుండా వేరే నియోజకవర్గాలలో ఈవీఎం ట్యాంపరింగ్ చేసి గెలుస్తున్నారని ఆరా మస్తాన్ ఆరోపించారు.

ఈవీఎంలు ట్యాంపరింగ్ .

ఒకప్పుడు ఈవీఎంల ట్యాంపరింగ్ గురించి చంద్రబాబు ఏ మాట్లాడాలని కానీ ఇప్పుడు మాత్రం ఆయన గప్‌చుప్ గా ఉన్నారని దీన్ని బట్టి ప్రజలు ఒకటే అర్థం చేసుకోవాలని ఆయన తెలిపారు.ఇప్పుడు ఆయన చేసిన ఈ వ్యాఖ్యలు ఏపీ రాజకీయాల్లో సంచలనం సృష్టిస్తున్నాయి.

MS Narayana: తెలుగు సినిమా ఇండస్ట్రీలో కమెడియన్ గా ఎంత మంచి గుర్తింపు సంపాదించుకున్న వారిలో నటుడు ఎంఎస్ నారాయణ ఒకరు. ఈయన తన అద్భుతమైన కామెడీ ద్వారా ప్రేక్షకులను మెప్పించారు. ఇండస్ట్రీలోకి అడుగుపెట్టిన 17 సంవత్సరాలలోనే సుమారు 700కు పైగా సినిమాలలో నటించి రికార్డు సాధించారు.

ఇలా తాగుబోతు క్యారెక్టర్ లోను అలాగే ఎమోషనల్ సన్నివేశాలలో కూడా అందరిని ఆకట్టుకునే విధంగా తన నటనతో మెప్పించిన ఎమ్మెస్ నారాయణ గతంలో ఒక ఇంటర్వ్యూ సందర్భంగా మాట్లాడుతూ తనకు సంబంధించిన పలు ఆసక్తికరమైన విషయాలను వెల్లడించారు .ప్రస్తుతం ఈ కామెంట్స్ వైరల్ అవుతున్నాయి.

ఎమ్మెస్ నారాయణ తోబుట్టువులు పదిమంది అని తెలిపారు. ఏడుగురు అబ్బాయిలు కాగా ముగ్గురు అమ్మాయిలని ఈయన ఒక సందర్భంలో తెలిపారు. అయితే తన చిన్న చెల్లెలు పెళ్లి జరిగిన కొద్దీ రోజులకి మరణించారని ఆ విషయం తనని ఎంతగానో బాధపెట్టిన సంఘటన అంటూ తెలిపారు.

నేను సినిమాలలోకి రాకముందు ఒక స్కూల్ టీచర్ గా పని చేసే వాడిని అప్పట్లో చాలీచాలని జీతం వచ్చేది. తద్వారా కుటుంబ పోషణ ఎంతో భారంగా ఉండేదని ఎమ్మెస్ నారాయణ తెలిపారు. ఇలా ఎన్నో ఆర్థిక ఇబ్బందులు పడుతున్న తరుణంలో తన చెల్లెళ్లకు కూడా పెద్దగా ఏమి పెట్టుకోలేకపోయానని తెలిపారు.

స్కూల్ టీచర్..
ఇలా తాను ఇండస్ట్రీలోకి రాకముందు స్కూల్లో టీచర్ గా పని చేసే వారని వెల్లడించారు. అయితే ఈయన చాలా సినిమాలలో కూడా లెక్చరర్ పాత్రలను ప్రిన్సిపల్ పాత్రలలో కూడా నటించి ప్రేక్షకులను మెప్పించారు.

Akhanda 2: బోయపాటి శ్రీను దర్శకత్వంలో బాలయ్య బాబు హీరోగా నటించిన చిత్రం అఖండ. ఇందులో ప్రగ్యా జైస్వాల్ హీరోయిన్గా నటించిన విషయం తెలిసిందే. ఈ సినిమా విడుదల అయ్యి ఎంతటి విజయాన్ని సాధించిందో మనందరికీ తెలిసిందే. ఇక ఈ సినిమాకు కొనసాగింపుగా అఖండ 2 ఉంటుందని ఎప్పటి నుంచో వార్తలు వినిపిస్తూనే ఉన్నాయి. అయితే తాజాగా ఆ వార్తలను నిజం చేస్తూ ఎట్టకేలకు ఈ సినిమాకు సంబంధించిన పనులను మొదలు పెట్టేశారు. తాజాగా అఖండ 2 తాండవం సినిమాకు సంబంధించిన పూజా కార్యక్రమాలు హైదరాబాద్ లో చాలా గ్రాండ్ గా మొదలయ్యాయి.

చిత్రబృందంతో పాటు బాలకృష్ణ కుమార్తెలు నారా బ్రాహ్మణి, తేజస్విని, ఇతర కుటుంబ సభ్యులు కూడా ఈ వేడుకలో సందడి చేశారు. చిత్ర బృందానికి అభినందనలు తెలిపారు. ముహూర్తపు షాట్‌ కు బ్రాహ్మణి క్లాప్‌ కొట్టారు. దీనికి సంబంధించిన పలు ఫొటోలు నెట్టింట వైరల్‌గా మారాయి. ఆ ఫోటోలలో తేజస్విని క్లాప్ కొడుతుండగా బాలయ్య బాబు ప్రగ్యా జైస్వాల్ పక్కన నిల్చొని నవ్వుతూ ఫోటోలకు ఫోజులు ఇచ్చారు. అలాగే ప్రస్తుతం సోషల్ మీడియాలో అఖండ 2 కి సంబంధించి కూడా ఒక పోస్టర్ వైరల్ గా మారింది.

ఆ పోస్టర్ ని చూసిన అభిమానులు ఈసారి ఈ సినిమా బ్లాక్ బస్టర్ హిట్ అవడం పక్క అంటూ కామెంట్లు చేస్తున్నారు. గతంలో బోయపాటి అలాగే బాలకృష్ణ కాంబినేషన్లో వచ్చిన సినిమాలు బ్లాక్ బస్టర్ హిట్ గా నిలిచిన విషయం తెలిసిందే. అలా ఈ సినిమా కూడా తప్పకుండా విజయం సాధిస్తుందని అభిమానులు కామెంట్లు చేస్తున్నారు. మరి అఖండ 2 సినిమా విడుదల అయ్యి ఎలాంటి అంచనాలను అందుకుంటుందో చూడాలి మరి.