Renu Desai: రేణు దేశాయ్ పరిచయం అవసరం లేని పేరు.ఇండస్ట్రీలో హీరోయిన్ గా పవర్ స్టార్ పవన్ కళ్యాణ్ మాజీ భార్యగా ఎంతో పేరు ప్రఖ్యాతలు సంపాదించుకున్న రేణు దేశాయ్ ప్రస్తుతం ఇండస్ట్రీలో తన సెకండ్ ఇన్నింగ్స్ ప్రారంభించారు. ఇలా ఈమె హీరోయిన్ గా, కాస్ట్యూమ్ డిజైనర్ గా దర్శకరాలిగా కూడా పేరుపొందారు.
ఇక పవన్ కళ్యాణ్ తో విడాకులు తీసుకున్న తర్వాత ఈమె తన పిల్లలతో కలిసి ఒంటరిగా నివసిస్తున్నారు. ఇలా తరచూ తన పిల్లలకు సంబంధించిన విషయాలతో పాటు హాలిడే వెకేషన్ కి వెళ్ళిన ఫోటోలను కూడా సోషల్ మీడియాలో షేర్ చేస్తూ అభిమానులతో ముచ్చటించే రేణు దేశాయ్ తాజాగా తాను ఓ వ్యాధితో బాధపడుతున్నానంటూ షాకింగ్ న్యూస్ వెల్లడించారు.
ఇప్పటికే ఎంతోమంది సినీ సెలబ్రిటీలు వివిధ రకాల అనారోగ్య సమస్యలతో బాధపడుతున్న విషయం మనకు తెలిసిందే. అయితే తాజాగా రేణు దేశాయ్ సైతం తాను కూడా ఓ వ్యాధితో బాధపడుతున్నానంటూ సోషల్ మీడియా వేదికగా తన సమస్యను బయటపెట్టారు.ఈ క్రమంలోనే సోషల్ మీడియా వేదికగా రేణు దేశాయ్ స్పందిస్తూ శ్రేయోభిలాషులు మీకు ఓ విషయం చెప్పాలి. గత కొన్ని ఏళ్ల నుంచి తాను గుండె ఇతర అనారోగ్య సమస్యలతో బాధపడుతున్నానని ఈమె తెలియజేశారు.
Renu Desai: ధైర్యం కోల్పోవద్దు…
ఇలాంటి సమస్యలతో బాధపడుతూ బలం తెచ్చుకోవడానికి చాలా కష్టపడుతున్నట్టు అనిపించింది. నేను మాత్రమే కాదు నాలా బాధపడే వారందరూ కూడా బలంగా నిలబడాలని ఎవరు నిరుత్సాహంతో ఉండకుండా, పాజిటివ్ ఎనర్జీని కలిగి ఉండడం కోసమే ఈ పోస్ట్ చేస్తున్నాను.మనం ఎలాంటి పరిస్థితులలో ఉన్న ధైర్యం కోల్పోకూడదు అంటూ ఈమె తన సమస్యను బయట పెట్టడమే కాకుండా ఇలాంటి సమస్యలతో బాధపడే వారికి మనోధైర్యాన్ని కల్పిస్తూ చేసినటువంటి ఈ పోస్ట్ వైరల్ గా మారింది.