Shruthi Hassan: లెజెండరీ యాక్టర్ కమల్ హాసన్ కుమార్తెగా ఇండస్ట్రీలోకి అడుగు పెట్టారు నటి శృతిహాసన్. ఇలా ఈమె మొదట హిందీ సినిమా ద్వారా బాలీవుడ్ ఇండస్ట్రీలోకి అడుగుపెట్టిన తెలుగులో మాత్రం అనగనగా ఓ ధీరుడు అనే సినిమా ద్వారా ప్రేక్షకుల ముందుకు వచ్చారు. అయితే ఈ సినిమా డిజాస్టర్ గా నిలిచింది.

ఇలా తెలుగులో పలు సినిమాలలో నటించిన ఈమెకు పెద్దగా గుర్తింపు రాకపోవడంతో అందరూ తనని ఐరన్ లెగ్ అంటూ కామెంట్ చేశారు. అయితే పలు సినిమాలలో నటించిన పెద్దగా గుర్తింపు సంపాదించుకోలేకపోయినా శృతిహాసన్ పవన్ కళ్యాణ్ హీరోగా నటించిన గబ్బర్ సింగ్ సినిమాలో నటించి ఎంతో మంచి గుర్తింపు సంపాదించుకున్నారు.

ఇలా గబ్బర్ సింగ్ సినిమా అనంతరం ఈమె పలు వరుస సినిమాలలో నటిస్తూ స్టార్ హీరోయిన్ గా గుర్తింపు పొందారు.అయితే తన వ్యక్తిగత కారణాల వల్ల కొంతకాలం పాటు ఇండస్ట్రీకి దూరమైనటువంటి శృతిహాసన్ తిరిగి క్రాక్ సినిమా ద్వారా ప్రేక్షకుల ముందుకు వచ్చారు. ఈ సినిమా అనంతరం వరుస సినిమాలలో నటిస్తూ బిజీగా గడుపుతున్నారు.

Shruthi Hassan: పవన్ కళ్యాణ్ సినిమానే కారణం…

శృతిహాసన్ తన సినిమా కెరియర్ గురించి కొన్ని విషయాలను తెలియజేశారు తాను హిందీ చిత్ర పరిశ్రమ ద్వారా ఇండస్ట్రీకి అడుగు పెట్టానని అయితే తెలుగులో పవన్ కళ్యాణ్ తో నటించిన గబ్బర్ సింగ్ సినిమా తన కెరీర్ పూర్తిగా మార్చిందని తెలిపారు. ఇండస్ట్రీలో నేను ఈ స్థాయిలో ఉన్నానంటే అందుకు గల కారణం పవన్ కళ్యాణ్ తో చేసిన ఈ సినిమానే కారణమంటూ శృతిహాసన్ చేసిన కామెంట్స్ వైరల్ అవుతున్నాయి.