Vishwak sen: మాస్ కా దాస్ విశ్వక్ సేన్ ఇటీవల కాలంలో వరుస సినిమాల ద్వారా ప్రేక్షకుల ముందుకు వస్తున్న సంగతి తెలిసిందే. హిట్టు ఫ్లాప్ సినిమాలను పూర్తిగా పక్కన పెట్టి ఈయన తనకు నచ్చిన సినిమాలన్నింటినీ కూడా ప్రేక్షకుల ముందుకు తీసుకువస్తూ కెరియర్ పరంగా ఇండస్ట్రీలో ఎంతో బిజీగా ఉన్నారు.
ఇకపోతే తాజాగా ఈయన గామి అనే సినిమా ద్వారా ప్రేక్షకుల ముందుకు రాబోతున్న సంగతి మనకు తెలిసిందే. ఈ సినిమా ప్రపంచవ్యాప్తంగా మార్చి 8వ తేదీ విడుదలకు సిద్ధమవుతుంది. ఈ సినిమా విడుదల తేదీని అనౌన్స్ చేస్తూ చిత్ర బృందం ప్రెస్ మీట్ కార్యక్రమాన్ని నిర్వహించారు. ఈ కార్యక్రమంలో భాగంగా విశ్వక్ పలు విషయాలను వెల్లడించారు.
తాజాగా ఈయన ఈ సినిమా షూటింగ్ సంఘటనలను గుర్తు చేసుకున్నారు. వారణాసిలో ఈ సినిమా షూటింగ్ జరుగుతున్న సమయంలో బాగా చలిగా ఉందని తాను చలికి తట్టుకోలేక ఒక మూలన కూర్చోవడంతో ఒక మహిళ తనకు టిఫిన్ పెట్టి టీ ఇచ్చారు అంటూ ఈయన తెలియజేశారు.
ఇక వారణాసిలో కుంభమేళా సమయంలో ఈ సినిమా షూటింగ్ జరుపుకున్నామని తెలిపారు. అయితే ఆ సన్నివేశాలలో తాను అఘోర పాత్రలో నటిస్తున్నానని తెలిపారు. అయితే కుంభమేళా కావడంతో పెద్ద ఎత్తున అక్కడికి భక్తులు చేరుకున్నారని అందులో కొంతమంది మహిళలు తనకు నేను నిజమైన అఘోర అనుకొని తనకు డబ్బులను దానం చేశారు అంటూ విశ్వక్ తెలిపారు.
నిజమైన అఘోర అనుకున్నారు…
ఇలా తాను అఘోర పాత్రలో కనిపించడంతో డబ్బులు ఇవ్వడంతో తాను షాక్ అయ్యానని విశ్వక్ తెలిపారు. ఇకపోతే ఈ సినిమా గురించి మాట్లాడుతూ ఈ సినిమా చాలా అద్భుతంగా వచ్చిందని ఈ సినిమా కోసం డైరెక్టర్ ఎంతో కష్టపడ్డారని తెలిపారు. ప్రతి ఒక్క సన్నివేశాన్ని చాలా స్పష్టంగా తీసుకురావడం కోసం డైరెక్టర్ చాలా కష్టపడినట్లు ఈ సందర్భంగా విశ్వక్ చేసిన కామెంట్స్ వైరల్ అవుతున్నాయి.